«ۇشاقپەن ساپارلاۋدى تاڭداعان جولاۋشىلار اراسىنان اۋرۋدىڭ جاسىرىن بەلگىلەرى انىقتالدى. سوندىقتان تەستىلەۋ شارالارى كەرەك دەپ سانايمىز. كەشە ءبىر جاعداي تىركەلدى. اقىلى تەستىلەۋ اياسىندا وسى اپتادا 10-عا تارتا ىندەت جۇقتىرعان ادامدى انىقتادىق. تاۋلىگىنە ەلىمىز بويىنشا 15 مىڭ تەست جاسالادى. تەستىلەۋ ناتيجەسىندە ينفەكتسيانىڭ تارالىپ جاتقاندىعى كورىنىپ وتىر», - دەدى ەلجان ءبىرتانوۆ.
ءمينيستردىڭ ايتۋىنشا ىندەت جۇقتىرعانداردىڭ 85 پايىزى جەڭىل جانە سيمپتومسىز جاعدايلار.
«بارشا اۋرۋلاردىڭ جارتىسىنا جۋىعى سيمپتومسىز. بۇل ادامدار اۋىرمايدى, وزدەرى ەمدەلەدى. الايدا ولار اۋرۋدى باسقا ادامدارعا جۇقتىرۋى مۇمكىن», - دەدى ول.
