كوروناۆيرۋس • 08 مامىر، 2020

دەر كەزىندە قابىلدانعان كارانتين رەجيمى ىندەتتىڭ تارالۋىنا توسقاۋىل بولدى - مينيستر

19 رەت كورسەتىلدى

دەنساۋلىق ساقتاۋ ءمينيسترى ەلجان ءبىرتانوۆ دەر كەزىندە قابىلدانعان كارانتين رەجيمى ىندەتتىڭ تارالۋىنا توسقاۋىل بولا العانىن ايتتى.

«12 ناۋرىزدا ىندەت جۇقتىرۋدىڭ العاشقى وقيعالارى انىقتالعان كەزدە، ءبىز شۇعىل كارانتيندىك شارالاردى قابىلدادىق. ەگەر دە 16 ناۋرىزدا كارانتين جاريالانباعاندا،  8 تاۋلىكتەن كەيىن 4،5 مىڭ ناۋقاس تىركەلەر ەدى. بۇل كورسەتكىشكە تەك ەكى ايدان كەيىن عانا جەتتى. مەملەكەت باسشىسى جاريالاعان كارانتين مەن توتەنشە جاعداي وتە ماڭىزدى ءرول اتقاردى، ءبىز ىندەتتىڭ تارالۋىنا توسقاۋىل قويا الدىق جانە مەديتسينالىق ۇيىمدارعا جۇكتەمەنى ازايتتىق»، - دەدى ەلجان ءبىرتانوۆ.

ونىڭ ايتۋىنشا، ەلىمىزدە ىندەت جۇقتىرۋ ءوسىمىنىڭ قارقىنى العاشقى كۇندەرى تاۋلىگىنە 50-60 پايىزعا دەيىن كوتەرىلگەن. قازىر بۇل كورسەتكىش 3-5 پايىز دەڭگەيىندە.

«ارينە، ادامدار جاريالانعان كورسەتكىشتەرگە قاراپ ۇرەيلەنۋدە. بۇگىندە تەك ءۇش مىڭ ادام مەديتسينالىق ۇيىمدارعا جاتقىزىلعان. ياعني 1،5 مىڭ ادام ەمدەلىپ، ۇيلەرىنە ورالدى»، - دەدى ەلجان ءبىرتانوۆ.

 

سوڭعى جاڭالىقتار

تۇركىستان جاسىل قالاعا اينالۋدا

وڭتۇستىك قازاقستان • كەشە

ۇقساس جاڭالىقتار