«بۇگىندە ادامدار ىندەتتەن ساۋىعىپ, ۇيلەرىنە ورالىپ جاتىر. ياعني, ءومىر جالعاسۋدا, ءبىزدىڭ دەنساۋلىق ساقتاۋ جۇيەمىز, دارىگەرلەرىمىز وزدەرىنە جۇكتەلگەن مىندەتتى ورىنداپ كەلەدى. دەنساۋلىق جاعدايى ناشار ادامدار ساۋىعىپ, اياعىنا تۇرىپ جاتىر», - دەدى دامير كوبجاساروۆ.
ونىڭ ايتۋىنشا, ىندەتكە شالدىققانداردى ەمدەۋدىڭ ورتاشا كەزەڭى 16-17 كۇن. COVID-19 پاتسيەنتتەرىنىڭ سانى ىلەسپە اۋرۋلاردىڭ بولۋىنا قاراي ارتۋى مۇمكىن. بۇگىندە ىندەتكە شالدىعۋ ءوسىمىنىڭ قارقىنى تۇراقتى تۇردە تومەندەپ كەلەدى.
«بۇگىندە 1500-دەن استام ادام ەمدەلىپ شىقتى. 3000-عا جۋىعى حاتتاماعا سايكەس ەم-دوم قابىلداپ جاتىر. ءبىزدىڭ ورتالىقتىڭ بولجامىنا سايكەس, جاقىن ارادا اۋىرعاندارعا قاراعاندا ەمدەلگەندەر سانى ارتا تۇسەدى. بۇل ءوز كەزەگىندە ەمدەۋدىڭ وڭتايلى قارقىنى ءجۇرىپ جاتقانىن, سونداي-اق ينفەكتسيانىڭ تارالۋى تومەندەپ جاتقانىن بايقاتادى», - دەدى ول.
