الاش ساربازىنىڭ ايبىنى اسقاق!

ءوز باسىم الماتى وبلىسىنا قاراس­تى الاكول اۋدانىنداعى ءۇشارال قالاسىندا دۇنيەگە كەلدىم. بالا كەزىم­نەن اسكەري قىزمەتتى اڭساپ, مەكتەپ قابىرعا­سىنان تۇلەپ ۇشقان ساتتە رەسەي فەدە­را­تسياسىنىڭ كوستروما قالا­سىندا ورنالاسقان رحب قورعاۋ ۋچيليششەسىنە وقۋعا قابىل­دانىپ, ونى ويداعىداي اياقتا­دىم. كەيىن قازاق­ستان قارۋ­لى كۇشتەرىندەگى راديا­تسيا­لىق, حيميالىق جانە بيولوگيا­لىق قورعانىس قىزمەتى سالاسىن­دا اسكەري قىزمەتىمدى باستادىم. وسى باعىتتا ۆزۆود كومانديرىنەن اسكەري ءبولىمنىڭ شتاب باستىعى لاۋازىمىنا دەيىن جوعارىلادىم. ودان سوڭ نۇر-سۇلتان قالاسىندا ورنالاسقان قازاقستاننىڭ تۇڭ­عىش پرەزيدەنتى – ەلباسى اتىن­داعى ۇلتتىق قورعانىس ۋنيۆەر­سي­تەتىندە اكادەميالىق ءبىلىم الدىم. بۇگىندە قۇرلىق اسكەر­لەرىنە قاراستى «باتىس» وڭىرلىك قول­باسشى­لىعىندا رادياتسيالىق, حي­ميالىق جانە بيولوگيالىق قورعاۋ ءبولىمىنىڭ باسشىسىمىن.

وسى كۇندەرى ەلىمىزدەگى توتەن­شە جاعداي­لارعا بايلانىستى اقتوبە, اتىراۋ جانە اقتاۋ قالا­­­لارىندا جۇر­گىزىلىپ جاتقان دەزين­فەكتسيالىق جۇمىس­تارعا جە­تەك­­شىلىك جاساپ ءجۇرمىن. قول اس­تىم­­داعى ماماندار دەزين­فەك­تسيا­­لىق قوسپالاردى ازىرلەپ, قاۋىپ­تى ۆيرۋس­پ­ەن كۇرەستى جالعاس­تى­رۋ­دامىز.

جوعارعى باس قولباسشىمىز, قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ قارۋلى كۇشتەردىڭ دامۋىن ءجىتى باقىلاۋىندا ۇستاپ, ءاردايىم قولداۋ كورسەتىپ وتىرادى. ونىڭ ساليقالى اسكە­ر­ي ساياساتىنىڭ ناتيجەسىندە كوپ­تەگەن اسكەري رەفورما جۇزەگە اسۋدا. ما­سەلەن, بيىل ءساۋىر ايىندا قارۋ­لى كۇشتەردىڭ باس شتابىندا راديا­تسيا­لىق, حيميالىق, بيولوگيالىق قور­عاۋ جانە ەكو­لوگيالىق قاۋىپسىزدىك اسكەر­لەرى دەپارتامەنتى قۇرىلدى. اتال­عان دەپارتامەنت زاماناۋي تالاپ­تارعا ساي ۇزدىك قارۋ-جاراقپەن, الدىڭ­عى قاتارلى قۇرالدارمەن قامتاماسىز ەتىلۋدە. سونداي-اق دالالىق وقۋ-جاتتى­عۋلار مەن بىلىكتىلىكتى جوعارىلاتۋ كۋرستارى دا ۇدايى ۇيىمداستىرىلىپ كەلەدى.

قازاقستاندىقتاردى وتان قورعاۋ­شىلار كۇنى مەرەكەسىمەن قۇتتىقتاپ, ەلىمىز امان, جەرىمىز تىنىش بولسىن دەپ تىلەيمىن!

الماس نەسىپقاليەۆ,

مايور, «باتىس» وڭىرلىك قولباسشىلىعى رادياتسيالىق, حيميالىق, بيولوگيالىق قورعاۋ اسكەرىنىڭ باسشىسى