سۋرەت: ا. قاجىبەكوۆتىڭ جەكە ارحيۆىنەن
اسكەري قىزمەتىن وتەپ, تۋعان جەرگە ورالايىن دەپ جۇرگەندە ەكىنشى دۇنيەجۇزىلىك سوعىس باستالادى.
ءسويتىپ, جاۋىنگەر داۋىلباي شەكشەك ۇلى وفيتسەرلىك قۇرامدى دايارلايتىن ارنايى وقۋ كۋرستارىندا ءبىلىم الىپ, لەيتەنانت اسكەري اتاعىن الادى.
ول ۋكراينا مايدانىندا 687-ءشى اتقىشتار پولكىندە سوعىسقا قاتىسقان. ال, ۇيىنە جىبەرلىگەن «ناگرادتاۋ پاراعىندا» اسكەري باسشىلىق داۋىلباي شەكشەك ۇلىنىڭ باتىل, جىگەرلى وفيتسەر ەكەندىگىن اتاپ ءوتتى.
سونىمەن بىرگە, «گرون جانە موراۆا وزەندەرىنەن ءوتۋ كەزىندە ول ءوزىنىڭ ۆزۆودىمەن وتكەلدەن ءوتىپ, جاۋدىڭ كۇشتەرىن قۋىپ, شەپتى جارىپ ءوتتى» دەپ جازىلعان.
كىشى كارپات تاۋلارىنان ءوتۋ كەزىندە, كۋحۆەنيا سەلوسى ءۇشىن بولعان ۇرىستاردا جاۋ دزوتتارىن قيراتۋعا قاتىسقان. وسى ۇرىستاردا داۋىلباي شەكشەك ۇلى باسقارعان ۆزۆود جاۋعا تويتارىس بەرىپ, مينومەت باتارەياسىنىڭ كوزىن جويعان.
ال, پاساگلاۆكي سەلوسىنىڭ جانىنداعى جاۋ قورشاۋىنول باسقاراتىن روتا بۇزىپ كىرىپ, 11 نەمىس سولداتىن قولعا تۇسىرگەن.
وسى ۇرىستاردا كورسەتكەن جاۋىنگەرلىك ەرلىگى ءۇشىن ەكىنشى دارجەلى «وتان سوعىسى» جانە «قىزىل جۇلدىز» وردەندەرىمەن ماراپاتتالادى.
- سوعىستىڭ سوڭعى كۇندەرىندە داۋىلباي اتامىزدىڭ باسىنا سنارياد جارىقشاعى ءتيىپ, ءبىر جاق يەگىن ج ۇلىپ اكەتەدى. گوسپيتالدە ەمدەلىپ, ەلگە ورالعان سوڭ ۇزاق جىلدار سول كەزدەگى ەكىباستۇز اۋدانى, «كومسومول» سوۆحوزىندا اۋىلدىق سوۆەتتىڭ توراعاسى بولىپ قىزمەت ەتتى. اۋىلداستارى ەسكە الىپ, قۇرمەت تۇتادى,- دەيدى ايدىن قاجىبەكوۆ.
داۋىلباي شەكشەك ۇلى سوعىس تاۋقىمەتى مەن اۋىر جاراقاتتىڭ سالدارىنان 1971 جىلى 49 جاسىندا قايتىس بولدى.
زايىبىمەن بىرگە ءتورت بالانى دۇنيەگە اكەلىپ, ولاردان 17 نەمەرە-جيەن كوردى. ناعاشى اتامىزدىڭ بەينەسى ءوز ءومىرىن جەر بەتىندەگى بەيبىت ءومىر ءۇشىن قيعان باتىل جاۋىنگەر رەتىندە-اۋلەت ۇرپاقتارىنىڭ جادىندا ماڭگىلىك ساقتالادى.
ەكىباستۇز قالاسى
