قازىرگى ۋاقىتتا تۇرعىندار, پيك/ميب, تمس, كوممۋنالدىق قىزمەتتەردى جەتكىزۋشىلەر, جەرگىلىكتى اتقارۋشى ورگاندار مەن ورتالىق مەملەكەتتىك ورگانداردىڭ تۇرعىن ءۇي كوممۋنالدىق شارۋاشىلىق سالاسىن دامىتۋداعى ءوزارا ءىس-قيمىلىندا ءبىرشاما قيىندىقتار تۋىنداپ وتىر.
ولاردى جويۋ جانە جوبانى ىسكە اسىرۋ ماقساتىندا قر يندۋستريا جانە ينفراقۇرىلىمدىق دامۋ ءمينيسترىنىڭ 2020 جىلعى 31 ناۋرىزداعى № 172 بۇيرىعىمەن اقپاراتتى قالىپتاستىرۋ, وڭدەۋ, سونداي-اق ورتالىقتاندىرىلعان جيناۋ جانە ساقتاۋ قاعيدالارى بەكىتىلدى. ونىڭ شەڭبەرىندە تۇرعىن ءۇي قاتىناستارى مەن تۇرعىن ءۇي-كوممۋنالدىق شارۋاشىلىق (تكش) سالاسىنا قاتىسۋشىلار اراسىنداعى اقپاراتتىق ءوزارا ءىس-قيمىل پروتسەسى رەگلامەنتتەلدى.
اتالعان قاعيدالارعا سايكەس «تكش دامىتۋ ورتالىعى» تكش سالاسىندا ورتالىقتاندىرىلعان اقپارات جيناۋدى قامتاماسىز ەتەدى جانە ودان ءارى وڭدەپ, تالداۋ ءۇشىن «ە-Shanyraq» اقپاراتتىق جۇيەسىندە ساقتالۋىن قامتاماسىز ەتەدى. سونداي-اق. تكش اقپاراتتاندىرۋ وبەكتىلەرىنە تەحنيكالىق جانە فۋنكتسيونالدىق سيپاتتامالار بەلگىلەيدى.
قازىر تكش اقپاراتتاندىرۋ وبەكتىلەرىنە تەحنيكالىق جانە فۋنكتسيونالدىق سيپاتتامالار جۇيەسى بويىنشا تەحنيكالىق قۇجاتتاما ازىرلەۋ جۇمىستارى جۇرگىزىلۋدە.
سونداي-اق, «ە-Shanyraq»-تى جۇزەگە اسىراتىن جەتكىزۋشىنى انىقتاۋ ءۇشىن جۇيەنى ءتۇرلى جەتكىزۋشىلەرمەن جۇزەگە اسىرۋدىڭ بالامالى نۇسقالارى قاراستىرىلادى.
ءوز كەزەگىندە جوبا اياسىندا بيىل ەكىنشى جارتىجىلدىقتىڭ سوڭىنا دەيىن كەلەسى جۇمىستار جۇرگىزىلەدى:
- «ە-Shanyraq» اقپاراتتىق جۇيەسىنىڭ فۋنكتسيونالىن ازىرلەۋ;
- اقپاراتتىق قاۋىپسىزدىك تالاپتارىنا سايكەستىگىنە جانە «ە-Shanyraq» اقپاراتتىق جۇيەسىنىڭ ساپاسىنا سىناقتار جۇرگىزۋ;
- «ە-Shanyraq»-تىڭ تكش سالاسىنداعى اقپاراتتاندىرۋ وبەكتىلەرىمەن ينتەگراتسيالانۋىن قامتاماسىز ەتۋ;
- «ە-Shanyraq»-تىڭ «ەلەكتروندىق ۇكىمەتتىڭ» اقپاراتتاندىرۋ وبەكتىلەرىمەن ينتەگراتسيالانۋىن قامتاماسىز ەتۋ;
- «ە-Shanyraq»-تى ونەركاسىپتىك پايدالانۋعا ەنگىزۋ.
جوبانى ىسكە اسىرۋ:
- توزعان تۇرعىن ءۇيدى جوندەۋدى قارجىلاندىرۋ بولجامدارىن (باعالاۋ) جىلدار بويىنشا جۇرگىزۋگە;
- كوپپاتەرلى تۇرعىن ۇيلەردىڭ سانى, تەحنيكالىق جاعدايى بويىنشا ناقتى مالىمەتتەر الۋعا;
- جالپى ۇيگە ورتاق ەسەپتەۋ قۇرالدارىمەن «اسپاپتاندىرۋ» ەسەبىنەن تاريف قۇرۋدىڭ ايقىندىلىعىن كورسەتۋگە;
- ەلەكتروندىق ەسەپ جۇيەلەرىمەن ينتەگراتسيالاۋ ەسەبىنەن قىزمەت كورسەتۋ ساپاسىن ارتتىرۋعا مۇمكىندىك بەرەدى.
