- قۇرمەتتى وتانداستار! سىزدەردى وتان قورعاۋشىلار كۇنىمەن شىن جۇرەكتەن قۇتتىقتايمىز. بۇل مەرەكە – قازاقستان قارۋلى كۇشتەرىنە حالىقتىڭ زور قۇرمەتىن كورسەتەدى, ەل تۇرعىندارىنىڭ اسكەري قىزمەتكە سەنىمىن نىعايتىپ, ازاماتتىق بورىش پەن اسكەري مىندەتتىڭ مارتەبەسىن ارتتىرادى. ءبىزدىڭ تاريحىمىز شىنايى پاتريوتتىق سەزىم مەن اسكەري ەرلىكتىڭ, قايتپاس قايسارلىق پەن باتىلدىقتىڭ ۇلگىسىنە تولى. بارلىق ۋاقىتتا مەملەكەت پەن حالىق الدىنداعى بورىشىن ادال اتقارىپ جۇرگەن باتىرلار بەينەسى ەرەكشە ماقتانىش پەن قۇرمەت-بەدەلگە يە. مىڭداعان باتىردىڭ ەسىمى حالىق جادىندا ماڭگى ساقتالىپ قالدى.
وتاندى قورعاۋ – قۇرمەتتى مىندەت. توتەنشە جاعداي جاريالانعان بۇگىنگى تاڭدا دا اسكەري قىزمەتشىلەر ەرىكتىلەرمەن بىرلەسىپ, كارانتينگە قارسى كۇرەستە ءوز باستارىن قاتەرگە تىگىپ, الدىڭعى ساپتا ءجۇر. قۇرمەتتى وتان قورعاۋشىلار!سىزدەرگە شىن جۇرەكتەن باقىت, تاتۋلىق پەن كەلىسىم, اماندىق-ساۋلىق تىلەيمىز. اسىرەسە, سىزدەردى كۇتىپ وتىرعان وتباسىلارىڭىز بەن جاقىندارىڭىزدى ايرىقشا قۇتتىقتايمىز. ءتورت كوزدەرىڭىز تۇگەل بولسىن! مەرەكە ءاردايىم بەيبىتشىلىك پەن قۋانىش الىپ كەلسىن, - دەلىنگەن قۇتتىقتاۋدا.
