«قازاقستان پرەزيدەنتى ماقتاارال اۋدانىنىڭ سۋدان زارداپ شەككەن بىردە-ءبىر تۇرعىنى كومەكسىز قالمايتىنىن ايتتى. سول سەبەپتى, سىزدەرگە تەك تۇسىنىكتىك تانىتۋدى سۇرايمىن. ۇكىمەت تاراپىنان بارلىق قاجەتتى كومەك كورسەتىلەدى. پرەزيدەنت ۇكىمەتكە وزبەكستانداعى سۋ قويماسى بوگەتىنىڭ بۇزىلۋى سالدارىنان سۋ باسقان اۋىلداردىڭ تۇرعىندارىنا جان-جاقتى ماتەريالدىق كومەك كورسەتۋدى تاپسىردى», — دەدى پرەمەر-ءمينيستردىڭ ورىنباسارى رومان سكليار.
ورىن العان جاعدايعا بايلانىستى ارنايى ۇكىمەتتىك كوميسسيا قۇرىلعانى بەلگىلى. ونى پرەمەر-ءمينيستردىڭ ورىنباسارى رومان سكليار باسقارادى. تۇركىستان وبلىسىنىڭ اكىمى ومىرزاق شوكەەۆ پەن قۇرامىندا ورتالىق جانە جەرگىلىكتى اتقارۋشى ورگانداردىڭ باسشىلارى بار جۇمىس توبى جاڭا تۇرمىس, جەڭىس, فيردوۋسي, ورگەباس, دوستىق اۋىلدارىنىڭ تۇرعىندارىمەن كەزدەستى.
كوميسسيا شىعىندى شۇعىل تۇردە ەسەپتەۋ جۇمىستارىن جۇرگىزەدى. ەڭ الدىمەن تۇرعىن ۇيلەر قالپىنا كەلتىرىلەدى. سونىمەن قاتار ينجەنەرلىك, كولىك, الەۋمەتتىك ينفراقۇرىلىم رەتكە كەلتىرىلەدى.
كوميسسيا ارنايى تەحنيكا اكەلگەن وزبەكستان مەملەكەتىنىڭ وكىلدەرىمەن دە كەزدەستى. سۋ استىندا قالعان اۋىلداردى تازالاۋعا كورشى ەلدەن كومەككە كەلگەن 50-گە جۋىق تەحنيكا جۇمىلدىرىلدى.
