ساكەن مۇسايبەكوۆ 1967 جىلى سولتۇستىك قازاقستان وبلىسىندا دۇنيەگە كەلگەن. قازاق پوليتەحنيكالىق ينستيتۋتىن, قازاق مەملەكەتتىك باسقارۋ اكادەمياسىن تامامداعان.
ەڭبەك جولىن 1991 جىلى «الما» الماتى سالاارالىق ىسكەرلىك قاتىناستار ينتەراسسوتسياتسياسىنىڭ ماركەتينگ بويىنشا جەتەكشى مامانى بولىپ باستاعان.
1995-1996 جىلدارى — مينيسترلەر كابينەتى جانىنداعى شەتەل كاپيتالىن پايدالانۋ كوميتەتىنىڭ سىرتقى كومەكتى ۇيلەستىرۋ باسقارماسىنىڭ جان-جاقتى كومەك سەكتورىنىڭ جەتەكشى مامانى, باس مامانى.
1996-2000 جىلدارى — پارلامەنت ءماجىلىسى توراعاسىنىڭ كومەكشىسى.
ءتۇرلى جىلدارى مەملەكەتتىك كىرىستەر ءمينيسترىنىڭ كەڭەسشىسى, قارجى مينيسترلىگىنىڭ اكىمشىلىك دەپارتامەنتىنىڭ ديرەكتورى, «قازاقاۆتوجول» رمك باس ديرەكتورىنىڭ ورىنباسارى, قارجى مينيسترلىگى اپپاراتىنىڭ جەتەكشىسى قىزمەتتەرىن اتقارعان.
2004-2005 جىلدارى — كولىك جانە كومۋنيكاتسيالار ۆيتسە-ءمينيسترى.
2008-2012 جىلدارى — «قازىنا» تۇراقتى دامۋ قورى» اق باسقارۋشى ديرەكتورى, «سامۇرىق-قازىنا» اق اپپاراتىنىڭ باسشىسى.
2012-2015 جىلدارى — سپورتتىق جەكپە-جەك جانە كۇش قولدانىلاتىن سپورت تۇرلەرى كونفەدەراتسياسىنىڭ باس ديرەكتورى.
2015 جىلدان 2019 جىلعا دەيىن مادەنيەت جانە سپورت ۆيتسە-ءمينيسترى بولىپ قىزمەت اتقاردى.
2019 جىلعى اقپاننان قازىرگى تاڭعا دەيىن ۇلتتىق وليمپيادا كوميتەتىنىڭ باس حاتشىسى لاۋازىمىن اتقارعان.
