«بارلىق قاراجاتتىڭ بەستەن ءبىرى الماتىعا تيەسىلى. جالپى, 2017 جىلدىڭ 1 شىلدەسى مەن 2020 جىلدىڭ 30 ءساۋىرى ارالىعىندا الماتىدان ءمامس بويىنشا تۇسىمدەردىڭ جالپى سوماسى 1 ميلليون 650 مىڭ ادامعا 63 ميللياردتان استام تەڭگەنى قۇرادى. تابىستىڭ نەگىزگى بولىگى نەمەسە 56,7 ملرد تەڭگەدەن استامى - جۇمىس بەرۋشىلەردىڭ جارنالارى, قالعان 6,6 ملرد تەڭگەسى جەكە كاسىپكەرلەر مەن ازاماتتىق-قۇقىقتىق كەلىسىمشارتتار بويىنشا جۇمىس جاسايتىن جەكە تۇلعالاردىڭ سالىمدارى», دەدى فيليال ديرەكتورىنىڭ ورىنباسارى جانار كەنجەباەۆا.
سونداي-اق بىرىڭعاي جيىنتىق تولەمدى تولەۋشىلەردىڭ 85 مىڭنان (2020 جىلدىڭ 1 ساۋىرىنە دەيىن تولەگەن) بۇكىل قازاقستان بويىنشا 1,8 ميلليون ازاماتقا دەيىن ءوسۋى بايقالادى. الماتىدا بۇل كورسەتكىش 10 مىڭنان 165 مىڭ ادامعا دەيىن ءوستى. بۇل تابىسى جوق جانە رەسمي جۇمىس ىستەمەيتىن ازاماتتاردىڭ جاردەماقى الۋ ءۇشىن تولەم جاساعانىمەن بايلانىستى.
وسىلايشا, 2019 جىلدىڭ باسىنان باستاپ 165 مىڭعا جۋىق ءوزىن-ءوزى جۇمىسپەن قامتىعان الماتىلىقتار وزدەرى ءۇشىن 210 ميلليون تەڭگە تولەدى.
