كوپىرگە شۇعىل جەتكەن پوليتسەيلەر بوگەتتىڭ سىرتىنا شىعىپ, ءومىر مەن ءولىمنىڭ اراسىندا تۇرعان ادامدى بىردەن كورەدى. ونى جول-جونەكەي ءوتىپ بارا جاتقان «Toyota Camry» اۆتوكولىگىنىڭ جۇرگىزۋشىسى ۇستاپ تۇرعانى بايقالادى.
ويلانىپ تۇرۋعا ۋاقىت بولمايدى. وفيتسەرلەر ساناۋلى سەكۋندتا قۇتقارۋ وپەراتسياسىنا كىرىسىپ كەتەدى. ازات قورشاۋدىڭ ارعى بەتىنە ءتۇسىپ, ءبىر قولىمەن كوپىردىڭ جاقتاۋىنان ۇستاپ, ەكىنشى قولىمەن سەكىرمەكشى بولعان ادامنىڭ اياعىنان ۇستايدى, ال باۋىرجان مەن كومەككە كەلگەن ازامات سۋيتسيد جاساماقشى بولعاندى كوپىردىڭ ۇستىنە كۇشپەن تارتىپ الادى. «كومەكتەسكەن جىگىتتىڭ اتىن سۇراپ قانا ۇلگەردىم, ۇمىتپاسام الەكساندر دەدى. سول قاربالاس ساتتە ونىڭ قولىن الىپ, العىس ايتىپ تا ۇلگەرمەدىك. ناعىز ازامات ەكەن. ول سەكىرۋگە جول بەرمەۋمەن قاتار, اڭگىمەگە تارتىپ, ولمەك بولعاننىڭ كوڭىلىن اۋلاپ, الداستىرىپ, ءبىز كەلگەنشە ۇستاپ تۇرعان», - دەيدى ازات زەينولوۆ.
پاترۋلدىك ماشيناعا وتىرعىزىلعان 52 جاستاعى ەر ادام ءوزىنىڭ قىلىعى جايلى پوليتسەيلەرگە ەشتەڭە ايتپاعان. بار ماسەلە ىشىمدىكتىڭ سوڭىنا تۇسۋدەن تۋىنداعان سياقتى. ول قۇتقارىلعان كەزدە دە ماس كۇيىندە بولعان.
پاترۋلدىك پوليتسەيلەر ەر ادامدى تۇرعىلىقتى جەرى بويىنشا ۋچاسكەلىك پوليتسيا پۋنكتىنە جەتكىزدى. «ادامدار كۇيزەلىسكە بوي الدىرماي, ءبىر-بىرىنە قول ۇشىن سوزىپ, پروبلەمالارىمەن ءبولىسىپ تۇرۋى قاجەت دەپ ويلايمىن. ەرەسەك ادامدار جاقىندارىنا اۋىر تيەتىن ارەكەت جاساماۋى كەرەك. ءبىز كەي كەزدەرى ادامدارمەن بايىپتى سويلەسىپ, جىگەرلەندىرىپ, ءوز-وزدەرىنە دەگەن سەنىمدىلىك ۇيالاتاتىن جاعدايلارعا كۋا بولامىز», - دەيدى ازات زەينولوۆ.
پەتروپاۆل
