«سىبايلاس جەمقورلىققا قارسى اگەنتتىكپەن بىرگە ەكولوگيا مينيسترلىگىنىڭ كوميتەتتەرىندەگى سىبايلاس جەمقورلىق قاۋپىنە جاسالعان سىرتقى تالداۋ نəتيجەسىن تالقىلادىق. ءبىز بۇل مəسەلەدە باقىلاۋ مەن جاۋاپكەرشىلىكتى, ونىڭ ىشىندە كادر تاڭداۋدى كۇشەيتۋدى كوزدەۋدەمىز», - دەپ جازدى م.مىرزاعاليەۆ ءوزىنىڭ Twitter پاراقشاسىندا.
«سونىمەن قاتار بارلىق انىقتالعان تəۋەكەلدەردى جويۋعا, تولىقتاي ترانسفورماتسيالاۋدى وتكىزۋگە كۇش سالىپ, سىبايلاس جەمقورلىققا قارسى ءىس-قيمىل تəسىلدەرىن تسيفرلاندىرۋ, رۇقسات بەرۋ رəسىمدەرىن جەتىلدىرۋ مەن اۆتوماتتاندىرۋ, əكىمشىلىك كەدەرگىلەردى ازايتۋ ەسەبىنەن قايتا قاراۋعا دايىنبىز», - دەدى مينيستر.
ۆەدومستۆو باسشىسىنىڭ ايتۋىنشا, مينيسترلىك كوميتەتتەرى سىبايلاس جەمقورلىق قاۋپىن جويۋ جوسپارىن əزىرلەدى. م.مىرزاعاليەۆ ونى ىسكە اسىرۋدى جەكە باقىلاۋىندا ۇستايتىنىن ايتتى. بۇدان باسقا, جاۋاپتى ورگان جوبالاردى ىسكە اسىرۋ پروتسەسى بارىنشا اشىق بولۋى ءۇشىن جۇرتشىلىقتى تارتۋعا نيەتتى.
«سونىمەن قاتار حالىقتى وڭىرلەردەگى ساتىپ الۋلار مەن بيۋدجەتتىك ينۆەستيتسيالىق جوبالاردى ىسكە اسىرۋعا باقىلاۋ جاساۋ پروتسەسىنە تارتۋعا نيەتتىمىز. وسىنىڭ بارلىعى ۆەدومستۆوداعى سىبايلاس جەمقورلىق قاۋپىن تومەندەتىپ, كوپ پروتسەستىڭ اشىق جۇرگىزىلۋىنە, حالىققا ەسەپ بەرۋگە مۇمكىندىك بەرەدى دەگەن ويدامىن», - دەدى سالا باسشىسى.
