وتىرىستا ۆەدومستۆونىڭ جوعارى وقۋ ورنىنان كەيىنگى ءبىلىم بەرۋ دەپارتامەنتىنىڭ ديرەكتورى ادىلەت تويباەۆ 2020 جىلعى ۇبت-عا ەنگىزىلگەن وزگەرىستەرگە توقتالدى.
– تەستىلەۋدىڭ فورماتى وزگەرمەيدى. وقۋعا ءتۇسۋشىنىڭ ءبىلىمى بۇرىنعىداي بەيىندى جانە مىندەتتى پاندەر نەگىزىندە, سونداي-اق بۇعان دەيىنگى شكالا بويىنشا باعالانادى. شەكتى بالل جيناي الماعان جانە ءبىرىنشى اكادەميالىق كەزەڭ اياقتالعانعا دەيىن اقىلى بولىمگە قابىلدانعان تۇلعالار ۇبت-نى ءبىر جىلدىڭ ىشىندە تاپسىرادى. ۇبت-داعى تاعى ءبىر وزگەرىس سەرتيفيكاتپەن بايلانىستى. ماۋسىم ايىندا وتەتىن تەستىلەۋدىڭ قورىتىندىسىندا بۇرىنعىداي قاعاز تۇرىندەگى سەرتيفيكات ەمەس, ەلەكتروندىق سەرتيفيكات بەرىلەدى, – دەدى ءا.تويباەۆ.
ايتا كەتەيىك, ماۋسىم ايىندا وتەتىن نەگىزگى ۇبت-عا وتىنىمدەر 10 مامىرعا دەيىن قابىلدانادى. ءوتىنىشتى قالاي بەرۋگە بولاتىنىن بۇعان دەيىن تولىعىراق جازعانبىز.
