ءار جىلدارى «نوماد», «سنەجنىە بارىسى», «تورپەدو-قازتسينك» كوماندالارىندا شەبەرلىگىن شىنداعان 24 جاستاعى قاراعاندىنىڭ تۋماسى «بارىستىڭ» ساپىندا دا ايشىقتى ونەرىمەن كوزگە ءتۇستى. قحل-دىڭ تۇراقتى چەمپيوناتىندا 60 رەت مۇز ايدىنىنا شىققان شابۋىلشى 17 گول سوعىپ, 15 مارتە ناتيجەلى پاس بەردى. بارلىعى – 32 ۇپاي. ودان بولەك, ول قازاقستان قۇراماسى ساپىندا جاسوسپىرىمدەر مەن جاستار اراسىنداعى الەم بىرىنشىلىكتەرىندە بەس رەت باق سىنادى.
بۇگىنگى تاڭدا نيكيتا ميحايليسكە «اۆانگارد», «اۆتوموبيليست» جانە «سالاۆات يۋلاەۆ» سەكىلدى كلۋبتار «قۇدا تۇسۋدە». ەگەر جەرلەسىمىز ايتۋلى كوماندالاردىڭ بىرىنە اۋىساتىن بولسا, وندا ول وتەماقى رەتىندە «بارىستىڭ» ەسەپشوتىنا 180-200 ميلليون تەڭگە (شامامەن 470 مىڭ اقش دوللارى) اۋدارۋعا ءتيىس.
