«رەداكتسيالىق القا قۇرىلىپ,ونىڭ قۇرامىنا جۋرناليستەر مەن ارداگەرلەر كەڭەسىنىڭ مۇشەلەرى كىردى. ۋاقىتتىڭ ازدىعىنا قاراماستان ءبىز سوعىسقا وسى وڭىردەن اتتانعان ازاماتتاردىڭ ءومىرباياندارىن جيناپ, سوعىستىڭ كۋاگەرلەرى – كوزى ءتىرى اراگەرلەرمەن كەزدەستىك. كىتاپتى جازۋ كەزىندە ءبىزدىڭ ءوڭىرىمىزدىڭ باتىرلاردىڭ وتانى ەكەنىنە كوزىمىز جەتتى. 500 جاۋىنگەر – قازاقستاننان شىققان كەڭەس وداعىنىڭ باتىرلارىنىڭ 44-ءى اقمولا وبلىسىنىڭ تۋماسى. بۇل كىتاپ ولاردىڭ وشپەس ەرلىگىن ەسكە سالۋعا ارنالعان. ونى دايىنداعانداعى تاعى ءبىر ماقساتىمىز – جاس ۇرپاققا تۋعان جەرگە دەگەن سۇيىسپەنشىلىك پەن ماقتانىشتى دارىپتەۋ. قازىرگى بالالار اعا بۋىن كورگەن سوعىس پەن قاتاڭ سىناق تۋرالى ءبىلۋى ءتيىس», – دەگەن ع.بالتاباي كىتاپ مەكتەپ كىتاپحانالارىنا تۇسسە دەگەن تىلەگىن دە جەتكىزدى.
كىتاپقا تەك سوعىسقا قاتىسقان جاۋىنگەرلەر عانا ەمەس, تىلدا ەڭبەك ەتكەن ازاماتتاردىڭ دا ەسىمدەرى ەندى.
«بۇل كىتاپ قان مايداندا جان تاپسىرعان باتىرلار مەن تىلدا جۇمىس ىستەگەن ازاماتتارعا دەگەن ءبىزدىڭ العىسىمىز», – دەدى ەلوردانىڭ ارداگەرلەر كەڭەسىنىڭ توراعاسى س. ەسىلوۆ.
ايتا كەتەيىك, « ۇلى جەڭىس ەشقاشان ۇمىتىلمايدى» كىتابى 500 دانامەن قازاق جانە ورىس تىلدەرىندە شىقتى.
