اتاپ اتار بولساق, مال شارۋاشىلىعى 8,9 %, ەت ءونىمى 14,2 %, ءسۇت 2,9% جۇمىرتقا ءوندىرۋ 11,4 % ارتقانى بايقالادى.
وعان قوسا ەندى جىلى ايماقتا جىلىجايعا باسىمدىق بەرىلمەك. شىمكەنتتە قازىردىڭ وزىندە جىلىجاي كولەمى 183 گەكتاردى قۇرايدى. ونىڭ 53 گەكتارى - ونەركاسىپتىك. قالادا بۇدان بولەك 2020 جىلى 30 گەكتار وندىرىستىك جىلىجاي ىسكە قوسىلماق. جابىق جىلىجاي كەشەندەردىڭ كولەمىن ارتتىرۋ ماقساتىندا «وڭتۇستىك» كولىكتىك لوگيستيكالىق ايماعىنان 100 گەكتار ونەركاسىپتىك جىلىجاي كەشەنىن سالۋ جوباسى قولعا الىنعان. ول جۇزەگە اسسا مىڭداعان جاڭا جۇمىس ورنى اشىلىپ, جۇرت جىل ون ەكى اي كوكونىسپەن قامتىلاتىن بولادى.
شىمكەنتتە كوكتەمگى دالا جۇمىستارى دا بىتۋگە جاقىندادى. پرەزيدەنت تاپسىرماسىنا سايكەس, شىمكەنتتە كوكتەمگى دالا جۇمىستارىنا قاجەتتى جانار-جاعارماي قۇنى 174 تەڭگەدەن 160 تەڭگە تومەندەتىلدى. بارلىق اگروقۇرىلىمدار ديزەل وتىنىن ۋاقىتىلى جەتكىزىلدى. تاپشىلىق جوق.
جالپى قالا اۋماعىندا 62 مىڭ گەكتاردان استام جەر بەر. بيىل ەگىس القابىن وتكەن جىلمەن سالىستىرعاندا 1 مىڭ گەكتارعا ۇلعايتىپ, 27,6 مىڭ گەكتارعا جەتكىزۋ جوسپارلانۋدا.
ينۆەستيتسيا جانە نەسيەلەندىرۋ بويىنشا جىل سوڭىنا دەيىن اۋىل شارۋاشىلىعى سالاسىندا جالپى قۇنى 7,6 ملرد تەڭگەنى قۇرايتىن 17 ينۆەستيتسيالىق جوبا ىسكە اسادى. ونىڭ ىشىندە 4 قۇس شارۋاشىلىعىن كەڭەيتۋ, 4 جىلىجاي قۇرىلىسى, 2 تاۋارلى ءسۇت فەرماسى, 2 جەمىس-كوكونىس ونىمدەرىن قايتا وڭدەۋ, 1 قارقىندى الما باعى, 1 ەشكى ءسۇتىن ءوندىرۋ جانە قايتا وڭدەۋ, 1 ءسۇتتى قايتا وڭدەۋدى كەڭەيتۋ, 1 مال بورداقىلاۋ الاڭىن سالۋ, 1 كونديتەرلىك ءونىم ءوندىرۋ جوبالارى بار.
شىمكەنت
