ء«بىز ەرىكتىلەردىڭ جەدەل شتابى قۇرامىندا جۇمىس ىستەيتىندىكتەن, حالىقتىڭ سەنىم تەلەفونىنا قوڭىراۋ شالىپ, كومەك سۇراپ جاتقانىن بىلەمىز. قولداۋ كورسەتۋ ءۇشىن قولدان كەلگەننىڭ ءبارىن جاساۋدامىز. الايدا, كەيدە بىزگە جۇرەگى جومارت جاندار قوڭىراۋ شالىپ, كومەكتەسۋگە دايىن ەكەنىن بىلدىرەدى. مىسالى, CCI Kazakhstan قىزمەتكەرلەرى, دالىرەك ايتساق كومپانيانىڭ ەرىكتىلەر كلۋبىنىڭ مۇشەلەرى بىزبەن حابارلاسىپ, ۇوس ارداگەرلەرىنە ازىق-ت ۇلىك سەبەتەرىن جيناپ, جەتكىزۋدە ءوز كومەگىن ۇسىنعان كەزدە ءبىز قۋانىپ قالدىق. بۇل مەملەكەت پەن ءىرى بيزنەس وكىلدەرىنىڭ قوعام مۇددەسى ءۇشىن بىرلەسە كۇش سالۋعا دايىن ەكەندىگىنىڭ مىسالى», – دەدى الماتى قالاسىنىڭ مەملەكەتتىك جاستار ساياساتىن دامىتۋ قورىنىڭ جەتەكشىسى الما اۋعانباەۆا.
«بيزنەستى جۇرگىزە وتىرىپ, ءبىز سەرىكتەستەرىمىز بەن تۇتىنۋشىلارىمىز ءۇشىن, قازاقستان قوعامى مەن كومپانيادا جۇمىس ىستەيتىن ادامدار ءۇشىن قۇندىلىقتار قۇرۋ قاعيداتىنا نەگىزدەلەمىز. ءوز قىزمەتكەرلەرىمىز بەن ولاردىڭ باستامالارىن قولداۋ – CCI Kazakhstan-نىڭ نەگىزگى بيزنەس-ستراتەگياسىنىڭ ءبىرى. ءبىزدىڭ ارىپتەستەرىمىز ارداگەرلەرگە كومەكتەسۋگە نيەت ءبىلدىرىپ, باسشىلىقتىڭ قولداۋىمەن «جاسىل ەل» جاستار ەڭبەك جاساقتارىنىڭ باعدارلاماسىنا قاتىسقانى ءۇشىن ءبىز وتە قۋانىشتىمىز. ءبىز ارقاشان دا ءوز قىزمەتكەرلەرىمىزدىڭ وسىنداي باستاماسىن قولداۋعا ۇمتىلامىز», – دەدى CCI Kazakhstan كورپوراتيۆتىك جانە رەتتەۋ قاتىناستارى جونىندەگى ديرەكتورى ءاليما يسەمباەۆا.
«جاسىل ەل» جاستار ەڭبەك جاساقتارىنىڭ باستامالارى مەن ءىس-شارالارى الماتى قالاسى اكىمدىگىنىڭ قوعامدىق دامۋ دەپارتامەنتىنىڭ جانە سەرىكتەستەردىڭ قولداۋىمەن جۇزەگە اسىرىلادى. الما قۇرمانقىزىنىڭ ايتۋىنشا, توتەنشە جانە كارانتيندىك شارالاردىڭ ەنگىزىلۋىنە بايلانىستى بيىلعى ماۋسىمنىڭ باستالۋى نومينالدى تۇردە جۇرگىزىلدى, ياعني جوبا قاتىسۋشىلارى ءداستۇرلى جيىن جانە ساپقا تۇرۋ ءراسىمىن وتكىزگەن جوق. قازىر العاشقى ەڭبەك جاساعى جۇمىسىن باستاپ كەتتى. ءارى قاراي, كارانتين الىنعان سايىن, ۇيىم ءوز جۇمىسىن بەلسەندى تۇردە جالعاستىراتىن بولادى: ەكولوگيالىق اكتسيالار وتكىزەدى, تۇرعىنداردى تابيعاتتى قورعاۋ تۋرالى حاباردار ەتەدى, اۋلالاردى اباتتاندىرادى جانە ت.ب. «جاسىل ەل» جاساقتارى كوممۋنالدىق قىزمەت ەمەس, ولار تابيعات پەن قورشاعان ورتانى قورعاۋعا جانە ساقتاۋعا ۇمتىلعان ەرىكتىلەر.
قور وسىنداي ءىس-شارالاردى جىل سايىن ىشكى كەستە بويىنشا وتكىزەدى. ارداگەرلەرگە كومەك كورسەتىلەدى, مۇقتاج جاندارعا, اتاپ ايتقاندا توسەك تارتىپ جاتقان ادامدارعا اتاۋلى كومەك بەرىلەدى, ولاردىڭ ۇيلەرى مەن اۋلالارى تازارتىلادى. سونداي-اق, «جاسىل ەلدەن» باسقا «پاتريوت» الەۋمەتتىك ءمودۋلى ازىرلەنگەن. ونىڭ اياسىندا ارداگەرلەرگە تۇرمىستىڭ كومەك كورسەتىلىپ قانا قويماي, ولارعا الەۋمەتتىك قارىم-قاتىناس اياسىندا قولداۋ كورسەتىلەدى.
