كارانتين كەزىندە ەرىكتىلەر ءبىرىنشى كەزەكتە قاجەتتى ازىق-ت ۇلىك ونىمدەرىن جەتكىزەدى. جالعىز تۇراتىن نەمەسە دەنساۋلىعى جانە الەۋمەتتىك جاعدايىنا بايلانىستى كومەككە مۇقتاج ادامدارعا ەرەكشە كوڭىل بولىنەدى. بۇل رەتتە كارانتين شارتتارىمەن بەكىتىلگەن بايلانىسسىز جەتكىزۋ, قاشىقتىقتى ساقتاۋ, مەديتسينالىق ماسكالار تاعۋ مەن قولعاپتار كيۋ سىندى بارلىق ساقتىق شارالار ساقتالادى.
جوبا «Samruk-Kazyna Trust» الەۋمەتتىك جوبالاردى دامىتۋ قورى «سامۇرىق-قازىنا» اق كومپانيالار توبىنىڭ اتىنان «قازاقستان تەمىر جولى» ۇك» اق جانىنداعى الەۋمەتتىك جوبالار قورىمەن بىرلەسىپ جۇزەگە اسىرىلادى. ۆولونتەرلەر قاتارىنا «سامۇرىق-قازىنا» اق كومپانيالار توبىنىڭ قىزمەتكەرلەرى مەن بەلسەندى ازاماتتار كىرەدى.
«بۇگىندە جوباعا «سامۇرىق-قازىنا» اق پورتفەلدىك كومپانيالار قىزمەتكەرلەرىنەن 200 ەرىكتى قوسىلدى جانە ءبىز ۇلى وتان سوعىسى ارداگەرلەرى مەن تىل ەڭبەككەرلەرىنە كومەكتەسۋگە نيەت بىلدىرگەن ەلىمىزدىڭ بارلىق ازاماتتارىن قوسىلۋعا شاقىرامىز», - دەيدى «Samruk-Kazyna Trust» قورىنىڭ رەسمي وكىلى ميراس ىرگەباەۆ.
ايتا كەتەيىك, «جەڭىس» جوباسىنىڭ ماقساتى - ارداگەرلەر مەن تىل ەڭبەككەرلەرىنە جۇيەلى كومەك كورسەتۋ. ۆولونتەرلەر قارت ادامدارعا شارۋاشىلىق بويىنشا كومەكتەسەدى: ءۇي مەن اۋلانى تازالاۋ, ازىق-ت ۇلىك پەن ءدارى-دارمەك ساتىپ الۋ, ەڭ باستىسى - ولارمەن اڭگىمەلەسىپ, ۋاقىت وتكىزۋ. جوبا جۇمىسىنىڭ 5 جىلى ىشىندە ارداگەرلەر مەن تىل ەڭبەككەرلەرىنە 10 000-نان استام ۆولونتەرلىك رەيد جاسالدى.
«مەن «جەڭىس» جوباسىمەن بيىل تانىستىم جانە اۋقىمدى ۆولونتەرلىك قوزعالىستىڭ ءبىر بولىگى بولعانىما وتە قۋانىشتىمىن. مەنىڭ كوماندامدا قازىرگى ۋاقىتتا 18 ادام, ءبىز ۇنەمى رەيدتەر وتكىزىپ تۇرامىز جانە وسى ۋاقىتقا دەيىن الماتى قالاسىنىڭ 40-تان استام ارداگەرلەرى مەن تىل ەڭبەككەرلەرىنە كومەك بەرىپ ۇلگەردىك. كارانتين جاعدايىندا ەرىكتىلەردىڭ جۇمىسى ماڭىزدى بولىپ تابىلادى. ارداگەرلەرگە كومەك كورسەتۋ, ولاردى قولداۋ, ولارعا قامقورلىق جاساۋ – مەنى جاسامپازدىققا ۇيرەتەدى», - دەيدى «جەڭىس» جوباسىنىڭ الماتى قالاسى بويىنشا ۇيلەستىرۋشىسى, «قتج - جۇك تاسىمالى» اق – «جت الماتى ءبولىمى» ۆاگون شارۋاشىلىعى قوزعالىسىنىڭ قاۋىپسىزدىگى بويىنشا رەۆيزور دياس بايعونۋسوۆ.
سونداي-اق, 2020 جىلى قازاقستان مەن تمد ەلدەرى اۋماعىندا 1935 جىلدىڭ 31 جەلتوقسانىنا دەيىن تۋعان ۇوس ارداگەرلەرى مەن تىل ەڭبەككەرلەرىنە تەگىن تەمىرجول جول ءجۇرۋىن ۇسىنۋ بويىنشا ناۋقان جالعاستىرىلاتىن بولادى. بيلەتتى رەسىمدەۋ ءۇشىن تەمىر جول كاسسالارىنا بارىپ, وزىمەن بىرگە ۇوس قاتىسۋشىنىڭ نەمەسە مۇگەدەكتىك تۋرالى جەكە باسىن كۋالاندىراتىن قۇجاتتىڭ تۇپنۇسقاسى مەن كۋالىگى, ال تىل ەڭبەككەرلەرىنە ارنايى مەملەكەتتىك جاردەماقى تاعايىنداۋ تۋرالى بەلگىسى بار زەينەتكەرلىك كۋالىگى بولۋى قاجەت. ناۋقاننىڭ مۇمكىندىكتەرىن كارانتين رەجيمىن اياقتالعاننان كەيىن بىردەن پايدالانۋعا بولادى.
