كونتينەنتتىك حوككەي ليگاسىنىڭ تۇراقتى چەمپيوناتىندا ويناپ جاتقان استانانىڭ «بارىس» كومانداسىنىڭ حوككەيشىلەرى بۇرناعى كۇنى حانتى-مانسيسكىدە جەرگىلىكتى «يۋگرانى» 6:2 ەسەبىمەن تالقانداپ شىقتى.
كونتينەنتتىك حوككەي ليگاسىنىڭ تۇراقتى چەمپيوناتىندا ويناپ جاتقان استانانىڭ «بارىس» كومانداسىنىڭ حوككەيشىلەرى بۇرناعى كۇنى حانتى-مانسيسكىدە جەرگىلىكتى «يۋگرانى» 6:2 ەسەبىمەن تالقانداپ شىقتى.
استانالىقتار وزدەرىنىڭ ءبىرىنشى سىرت جاقتاعى ماتچىن وتە قارقىندى باستادى. ولار 10-مينۋتقا قاراي 3:0 ەسەبىمەن العا شىعىپ ۇلگەردى. جەرلەستەرىمىزدەن بۇل شايبالاردى دميتري ۋپپەر, الەكسەي ليتۆينەنكو جانە برەندون بوچەنسكي ءتۇسىردى. الاڭ يەلەرى بۇعان الەكسەي پەپلياەۆتىڭ بەلسەندىلىگىمەن ءبىر رەت قانا جاۋاپ قايتارا الدى.
قوناقتار ەكىنشى كەزەڭدە ميحايل راحمانوۆ سوققان ءبىر شايبانىڭ ارقاسىندا باسىمدىلىقتى بۇرىنعى قالپىنا كەلتىرە ءبىلدى. سوڭعى كەزەڭدە استانالىقتار داستين بويدتىڭ ەكى شايباسى ارقىلى ەسەپتى تالقانداۋ دارەجەسىنە جەتكىزدى. ال سوڭعى نۇكتەنى 46-مينۋتتا يۋگرالىق ۆلاديمير گوربۋنوۆ قويدى.
وسىمەن 6 ماتچتا 15 ۇپاي جيناعان «بارىس» شىعىس كونفەرەنتسياسىندا توپ باستاپ كەلەدى. ول كەلەسى ويىنىن ەرتەڭ استانادا «اۆتوموبيليسپەن» وتكىزەدى.
