باس سانيتاردىڭ مالىمدەۋىنشە, الماتىدا 19 مىڭنان استام مەديتسينا قىزمەتكەرى كوروناۆيرۋسقا قارسى جاپپاي تەكسەرۋدەن وتكەن. سونىمەن قاتار اسكەريلەر مەن الەۋمەتتىك توپتاعى ادامداردى دا تەكسەرۋ جۇرگىزىلىپ جاتىر. الداعى ۋاقىتتا حالىق تولىقتاي COVID-19 قارسى تەكسەرىلە الادى. بۇگىنگە دەيىن الماتىدا 77 مىڭنان استام تەستى الىنعان.
«حالىقتى جاپپاي تەستىلەۋ باستالدى. وسى كۇنگە دەيىن 77 مىڭ تەستى وتكىزىلگەن. ونىڭ 22 مىڭى جەدەل-تەست. قازىرگى ساتتە الماتىدا 2 مىڭ تەستى شىعارىلىپ جاتىر. الداعى ۋاقىتتا ونىڭ سانىن 3 مىڭعا دەيىن كوبەيتۋ شارالارى جۇرگىزىلىپ جاتىر. كارانتين رەجيمى اياقتالعانان كەيىن دە وقشاۋلانۋ مەن قورعانىش قۇرالدارىن پايدالانۋدى الىدە جالعاستىرۋ كەرەك. قوعامدىق ورىنداردا ارا قاشىقتىقتى ساقتاپ, ماسكانى مىندەتتى تۇردە تاعۋ كەرەك», – دەدى الماتىنىڭ باس سانيتارلىق دارىگەرى جانداربەك بەكشين.
سونىمەن قاتار, جاسالاتىن تەستى كولەمىن ۇلعايتۋ ءۇشىن 10 ءموبيلدى اۋرۋحانا, تەستىنىڭ ناتيجەسىن جىلدام شىعارۋ ءۇشىن 6 زەرتحانا جۇمىس ىستەپ جاتىر. الداعى ۋاقىتتا ولاردىڭ سانىن 8-گە جەتكىزۋ كوزدەلگەن.
سونداي-اق, باس سانيتار ساۋدا ورىندارىندا تۇتىنۋشى مەن كاسسيردىڭ اراسىنداعى تالاپتى دا قاتاڭ ساقتاۋدى ەسكەرتتى.
الماتى
