«اۋداندا قوعامدىق ءتارتىپتى ساقتاۋ جانە سۋ باسقان تۇرعىن ۇيلەردىڭ مۇلكىن قورعاۋ ءۇشىن 8 بلوكپۋنكت ورناتىلىپ, پوليتسيا دەپارتامەنتىنىڭ جەكە قۇرامىنان 303 قىزمەتكەر, 53 كولىك جۇمىلدىرىلدى», - دەدى ومىرزاق شوكەەۆ.
سونداي-اق ول ەلدى مەكەندەردى سۋ باسۋىنىڭ الدىن الۋ ءۇشىن بوگەتتەر سالىنعانىن ايتىپ ءوتتى.
«ەلدى مەكەندەردى سۋ باسۋىنىڭ الدىن الۋ ءۇشىن نۇرلى جول, ورگەباس, ىرىستى, جانتاقساي ەلدى مەكەندەرىندە بوگەتتەر سالىنىپ, مىرزاكەنت باعىتىندا فيردوۋسي ەلدى مەكەنى اۋماعىندا كوللەكتر ورناتىلدى. مۇنان بولەك, ماقتاارال اۋدانىنىڭ اۋماعىنان اعىن سۋدى تەز ارادا شىعارۋ ماقساتىندا وزبەكستان رەسپۋبليكاسى تاراپىنان جەتىساي اۋدانى قوعالى ەلدى مەكەنىنىڭ ماڭىنان ورتالىق بەتپاقدالا كوللەكتورى ارقىلى اۆتوجول كوپىرىن اينالىپ وتەتىن كانال قازىلدى», - دەدى ومىرزاق شوكەەۆ.
