قوعام • 05 مامىر، 2020

جۇمىسپەن قامتۋدىڭ جول كارتاسىندا 6،5 مىڭ ينفراقۇرىلىمدىق جوبا قامتىلادى

19 رەت كورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەتتىڭ سەلەكتورلىق وتىرىسىندا جۇمىسپەن قامتۋدىڭ جول كارتاسىن ىسكە اسىرۋ ماسەلەلەرى قارالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

ەڭبەك جانە حالىقتى الەۋمەتتىك قورعاۋ ءمينيسترى ب. نۇرىمبەتوۆ، الماتى وبلىسىنىڭ اكىمى ا. باتالوۆ، تۇركىستان وبلىسىنىڭ اكىمى ءو. شوكەەۆ، قاراعاندى وبلىسىنىڭ اكىمى ج. قاسىمبەك، جامبىل وبلىسىنىڭ اكىمى ب. ساپارباەۆ بايانداما جاسادى. 

جۇمىسپەن قامتۋدىڭ جول كارتاسى اياسىندا 6،5 مىڭنان اسا ينفراقۇرىلىمدىق جوبانى ىسكە اسىرۋ كوزدەلگەن، ولار الەۋمەتتىك وبەكتىلەردى، ينجەنەرلىك-كولىك ينفراقۇرىلىمىن، سۋارۋ جانە يرريگاتسيالىق جۇيەلەردى، تۇرعىن ءۇي-كوممۋنالدىق وبەكتىلەرىن جوندەۋ مەن سالۋعا، ەلدى مەكەندەردى اباتتاندىرۋعا قاتىستى. وسىنىڭ ارقاسىندا 255 مىڭ جۇمىس ورنى قۇرىلادى.

جالپى، بارلىق مەملەكەتتىك باعدارلامالاردى ىسكە اسىرۋ اياسىندا 1 ملن  220 مىڭ ادامدى جۇمىسپەن قامتۋ جوسپارلانعان، ونىڭ ىشىندە 235 مىڭ تۇراقتى جۇمىس ورنى قۇرىلادى.

پرەمەر-مينيستر ۇكىمەت ءۇشىن بۇگىنگى تاڭدا باستى باسىمدىق تۇرعىنداردىڭ جۇمىسىن ساقتاۋ ەكەنىن اتاپ ءوتتى. بۇل رەتتە جۇمىسپەن قامتۋ جانە حالىقتىڭ ەكونوميكالىق بەلسەندىلىگىن ساقتاۋمەن قاتار، ينفراقۇرىلىمدى جاقسارتۋ ەل ەكونوميكاسىن قالپىنا كەلتىرۋدە جاقسى ناتيجە بەرەدى.

ۇكىمەت باسشىسى شىعىس قازاقستان، الماتى، جامبىل، قاراعاندى، تۇركىستان جانە پاۆلودار وبلىستارىندا جوبالاردى ىسكە قوسۋدى باستاۋ قارقىنى جاقسى ەكەنىن اتاپ ءوتتى. قىزىلوردا وبلىسى، الماتى جانە شىمكەنت قالالارى ارتتا قالىپ كەلەدى.

«وڭىرلەردىڭ اكىمدىكتەرىنە ينفراقۇرىلىمدىق جوبالاردى تولىق ىسكە اسىرۋدى باستاۋدى، ونىڭ ىشىندە وتاندىق تاۋارلار، جۇمىستار مەن قىزمەتتەردىڭ نەگىزگى كولەمىنىڭ وتاندىق بولۋىن تاپسىرامىن. بارلىق بولىنگەن قاراجات ەكونوميكاعا جۇمىس ىستەۋى ءتيىس»، - دەدى ا. مامين.

ۇكىمەت باسشىسى بارلىق مەملەكەتتىك ورگاندارعا جۇمىسپەن قامتۋ بويىنشا جوسپارلانعان كورسەتكىشتەرگە قول جەتكىزۋدى قامتاماسىز ەتۋدى، ال ەڭبەك مينيسترلىگىنە جۇمىسپەن قامتۋدىڭ جول كارتاسىنىڭ، سونداي-اق تۇراقتى جۇمىس ورىندارىن قۇرۋ جانە حالىقتى جۇمىسقا ورنالاستىرۋ تۇرعىسىنان باسقا دا مەملەكەتتىك باعدارلامالاردىڭ ىسكە اسىرىلۋ بارىسىنا كۇن سايىن مونيتورينگ جۇرگىزۋدى تاپسىردى.

سوڭعى جاڭالىقتار

اكىمدەر ءھام الەۋمەتتىك جەلى

ساياسات • بۇگىن، 06:40

قالدىق نەگە قاجەتسىز؟

ەكولوگيا • بۇگىن، 06:36

ۇقساس جاڭالىقتار