«اتاكەنت كەنتى مەن ماقتاارال, جامبىل اۋىلدىق وكرۋگتەرىندە مەكتەپتەردىڭ بازاسىندا 14 قابىلداۋ-ەۆاكۋاتسيالىق پۋنكتەر ۇيىمداستىرىلدى. قازىرگى تاڭدا 3 200 ادام ورنالاستىرىلدى. قالعاندارى تۋعان-تۋىستارىنىڭ ۇيلەرىندە. قابىلداۋ-ەۆاكۋاتسيالىق پۋنكتتەرى قاجەتتى قۇرال-جابدىقتارمەن قامتاماسىز ەتىلدى. قازىرگى كارانتيندىك جاعدايدى ەسكەرە وتىرىپ, 120 مەديتسينا قىزمەتكەرى كومەك كورسەتۋدە», - دەدى ءو.شوكەەۆ.
ونىڭ ايتۋىنشا, توتەنشە جاعداي سالدارىنان جالپى 845 تۇرعىن ءۇيدى, 3 مەكتەپتى, 5 بالاباقشانى, 4 مەديتسينا نىساندارىن, 1 مادەنيەت ءۇيىن, سونداي-اق 10 دۇكەندى سۋ باستى.
«جەڭىس اۋىلىنداعى كوپىردى جانە رەسپۋبليكالىق, وبلىستىق, اۋداندىق ماڭىزى بار 54,7 شىقىرىم اۆتوجولدى سۋ باستى. بۇدان بولەك الدىن الا جيناقتالعان مالىمەتتەر بويىنشا كولەمى 7639 گا ەگىستىك جەرلەردى سۋ باستى. مال شىعىنى دا ناقتىلانىپ جاتىر. قازىرگى ۋاقىتتا وسى جوعارىدا اتالعان شىعىنداردى ەسەپتەپ جاتىرمىز. ناقتى شىعىن كولەمى انىقتالعاننان كەيىن قوسىمشا باياندالادى», دەدى ول.
