قازاقستان حالقىنىڭ بىرلىگى كۇنى «حازار» ازەربايجان مادەني ورتالىعى از قامتىلعان وتباسىلار, تىل ارداگەرلەرى, كوپ بالالى انالار مەرەكەنى سەزىنۋگە مۇمكىندىك الۋى ءۇشىن 20 وتباسىنا مەرەكەلىك ازىق-ت ۇلىك تاراتتى. ازىق-ت ۇلىك سەبەتىندە ازەربايجان تاعامى – شاح-پالاۋ جانە ازىق-ت ۇلىك ونىمدەرى بار, دەپ حابارلايدى قالا اكىمدىگى جانىنداعى «قوعامدىق كەلىسىم» كمم ءباسپاسوز قىزمەتى.
«توتەنشە جاعداي مەن كارانتين رەجيمىنە بايلانىستى قازاقستاندىقتاردىڭ كوبى جۇمىسسىز. ءدال وسى قيىن-قىستاۋ كەزدە ءبىز ءبىر-بىرىمىزگە جاردەمدەسىپ, كومەك قولىن سوزۋىمىز كەرەك. قازاقستان حالقى اسسامبلەياسىنىڭ «حازار» ازەربايجان مادەني ورتالىعى مەن «Sahil» مەيرامحانا كەشەنى دە قايىرىمدىلىق شارالارىنان تىس قالمادى. ازىق-ت ۇلىك سەبەتى مەن جەكە گيگيەنا زاتتارىنان بولەك, مەيرامحانامىز قازاقستن حالقىنىڭ بىرلىگى كۇنىنە وراي ازەربايجان اسحاناسىنىڭ باستى تاعامى – شاح پالاۋ دايىندادى. بۇل مەرەكەلىك تاعام بۇگىن كومەككە مۇقتاج وتباسىلاردىڭ داستارحانىندا بولعانىن قالادىق. قازىر بۇكىل الەم ىندەتپەن كۇرەسۋدە. ونىڭ ىشىندە قازاقستان دا بار. ءبىزدىڭ كۇشىمىز – بىرلىكتە! ءبىز بىرگەمىز!», – دەيدى قحا مۇشەسى, «حازار» ازەربايجان مادەني ورتالىعىنىڭ وكىلى ساياف يسمايلوۆ.
اكتسيا ۇيىمداستىرۋشىلارى تىزىمگە سايكەس مەرەكەلىك سىيلىقتار تاراتتى. ەلوردالىق قحا مەتسەناتتارى مۇقتاجدارعا ۇنەمى كومەك كورسەتەدى.
