قاسىم-جومارت توقاەۆ بەلارۋس مايدانگەرلەرى مەن تىل ارداگەرلەرىنىڭ فاشيستىك اگرەسسياعا قارسى كۇرەستەگى كوزسىز قايسارلىعى مەن ەرەن ەرلىگىن اتاپ ءوتىپ, ولارعا مىقتى دەنساۋلىق, ۇزاق ءومىر تىلەدى.
الەكساندر لۋكاشەنكو قازاقستان مەن بەلارۋستىڭ ورتاق جەڭىسكە جەتۋگە زور ۇلەس قوسقانىن ايتتى. سونداي-اق بارشا قازاقستان حالقىنا شەكسىز العىسىن جولداپ, باق-بەرەكە تىلەدى.
اڭگىمەلەسۋ بارىسىندا تاراپتار پاندەميانىڭ تارالۋى كەزىندە حالىققا كومەك بەرۋ, شاعىن جانە ورتا بيزنەسكە قولداۋ كورسەتۋ ءۇشىن دەر كەزىندە قابىلدانعان شارالار جونىندە اقپارات الماستى.
مەملەكەتتەر باسشىلارى ەكى ەل ۇكىمەتتەرىنىڭ ساۋدا-ەكونوميكالىق ىنتىماقتاستىقتىڭ وڭ قارقىنىن ساقتاۋعا جانە قازاقستان مەن بەلارۋس اراسىنداعى ستراتەگيالىق سەرىكتەستىكتىڭ بارلىق سالاسى بويىنشا ىقپالداستىقتى ودان ءارى ارتتىرۋعا باعىتتالعان ءىس-قيمىلدارىن ۇيلەستىرۋ تۋرالى ۋاعدالاستىققا قول جەتكىزدى.
سونىمەن قاتار تاراپتار الداعى ۋاقىتتا اتقارىلاتىن ەكىجاقتى ءىس-شارالاردىڭ كەستەسىن جانە كوپجاقتى ۇيىمدار مەن فورۋمدار اياسىنداعى ىقپالداستىقتىڭ پەرسپەكتيۆالارىن تالقىلادى.
تەلەفون ارقىلى سويلەسۋگە قازاقستان تاراپى باستاماشى بولدى.
