اقتاۋ قالاسىنىڭ قارت تۇرعىنى تەميرباەۆ پەتر نيكولاەۆيچ التاي ولكەسىنىڭ نيكولاەۆكا اۋىلىندا دۇنيەگە كەلگەن. سوعىس كەزىندەگى ءوز قۇرالپى جاسوسپىرىمدەر سەكىلدى ول دا بۇعاناسى قاتپاي تۇرىپ-اق اۋىر ەڭبەككە ارالاستى, جەڭىستى جاقىنداتۋعا ءوز ۇلەسىن ەڭبەك مايدانىندا قوستى.
سوعىستان سوڭ ول تۋلا وبلىسىنداعى تۇرمەدە قىزمەت اتقاردى. 1956 جىلى ۆيلنيۋس قالاسىنان ءىىم باستاۋىش قۇرامىنا دايىندىق مەكتەبىن ءبىتىرىپ, 1964 جىلى ءىىم جوعارى مەكتەبىن ءبىتىردى. ءارتۇرلى قىزمەتتەر اتقارعان پ.تەميرباەۆ 1986 جىلى ماڭعىشلاق وبلىستىق گم-172/5 مەكەمەسى باستىعىنىڭ ورىنباسارى بولىپ قىزمەت اتقارىپ ءجۇرىپ ىشكى ىستەر قىزمەتىنىڭ پولكوۆنيگى شەنىمەن ەڭبەك دەمالىسىنا شىقتى.
2018 جىلى وبلىستىق ىشكى ىستەر دەپارتامەنتى جانە ۇلتتىق گۆارديا ارداگەرلەر كەڭەسىنىڭ شەشىمىمەن «ىشكى ىستەر دەپارتامەنتىنىڭ قۇرمەتتى ارداگەرى» اتاعىمەن ماراپاتتالدى.
-پەتر نيكولاەۆيچ ءبىزدىڭ قىزمەتكەرلەرىمىزگە ءاردايىم باتىلدىقتىڭ ۇلگىسى بولىپ كەلەدى. ءبىز وعان ءاردايىم مەرەكەمەن جانە تۋعان كۇنىمەن قۇتتىقتاۋعا قۋانا كەلەمىز. ونىڭ ءومىرى – كوپكە ۇلگى. ءبىز ارداگەرگە مىقتى دەنساۋلىق پەن ۇزاق ءومىر تىلەيمىز, دەلىنگەن ۆەدومستۆو بەرگەن حابارلامادا.
