«كوروناۆيرۋس انىقتالعان ەكەۋى – تۇركىستان, بىرەۋى – باتىس قازاقستان وبلىسىنىڭ جانە ەكەۋى – شىمكەنت قالاسىنىڭ تۇرعىندارى» دەپ حابارلادى باتىس قازاقستان وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ ورىنباسارى نۇرلىبەك مۇستاەۆ.
كوروناۆيرۋس ينفەكتسياسى انىقتالعان 7 مەديتسينالىق قىزمەتكەر ۆيرۋستى ناۋقاستاردان جۇقتىرىپ العان.
- بۇگىنگى تاڭدا جۇقپالى اۋرۋلار اۋرۋحاناسىندا 36 مەديتسينالىق قىزمەتكەر ەمدەلىپ جاتىر, ولار – 7 دارىگەر, 12 مەدبيكە, 12 سانيتار, 4 بۋفەتشى, 1 دەزينفەكتور. ولاردىڭ 20-سى – جەڭىل تۇرىمەن, 14-ءى – ورتاشا تۇرىمەن اۋىرعان, - دەدى باتىس قازاقستان وبلىستىق دەنساۋلىق ساقتاۋ باسقارماسىنىڭ باسشىسى بولاتبەك قايۋپوۆ. ونىڭ ايتۋىنشا, بۇعان دەيىن اۋرۋ جۇقتىرعان ەكى مەديتسينا قىزمەتكەرى جازىلىپ شىققان.
جالپى باتىس قازاقستان وبلىسى بويىنشا بۇگىنگە دەيىن كوروناۆيرۋستىق جۇقپادان 31 ادام جازىلىپ شىقتى. ال اۋرۋحانالاردا «COVID-19» دياگنوزىمەن 155 ادام ەمدەلۋدە. 53 ادام – پروۆيزورلىق ستاتسيوناردا, 157 ادام – كارانتيندىك ستاتسيوناردا, 2407 ادام - ءۇي جاعدايىندا وقشاۋلانىپ, دارىگەر باقىلاۋىنا الىنعان.
باتىس قازاقستان
