«دوستار, قۋانىشتى جاڭالىقپەن بولىسكىم كەلەدى! بۇگىن ستاتسيوناردان COVID -19 ىندەتىنە شالدىققان 1000-شى ناۋقاس ەمدەلىپ شىقتى. ول قىزىلوردا وبلىسىندا ەمدەلىپ جاتقان 30 جاستاعى ادام. ول قىزىلوردا وبلىستىق جۇقپالى اۋرۋلار اۋرۋحاناسىنا 16 ساۋىردە كوروناۆيرۋس ينفەكتسياسىن جۇقتىرعان اداممەن بايلانىستا بولعاندىقتان تۇسكەن بولاتىن. ونىڭ جاعدايى ورتاشا اۋىر بولعان. دەنە قىزۋى 38 گرادۋسقا دەيىن كوتەرىلىپ, قۇرعاق جوتەل جانە السىزدىك ءبىلىندى. ونىڭ وكپەسىن رەنتگەنگە تۇسىرگەن كەزدە سول جاق وكپەسىنىڭ ينتەرستيتسيالدى قابىنۋى بولعانى انىقتالدى», - دەپ جازدى ەلجان ءبىرتانوۆ.
ءمينيستردىڭ ايتۋىنشا ناۋقاسقا «COVID-19 كوروناۆيرۋس ينفەكتسياسى, سول جاق وكپەنىڭ قابىنۋى, ورتاشا اۋىر دەڭگەي» دياگنوزى قويىلعان.
«COVID-19-دى ەمدەۋ جانە دياگنوستيكالاۋ پروتوكولىنا سايكەس ەم-دوم جۇرگىزىلدى. ەمدەلگەننەن كەيىن اراعا 24 ساعات سالىپ ەكى رەت كوروناۆيرۋسقا زەرتحانا تەكسەرۋ جۇمىسى جۇرگىزىلدى. تەست ناتيجەسىندە كوروناۆيرۋستان ەمدەلگەنى انىقتالدى. ستاتسيوناردان شىعار كەزدە ەشقانداي شاعىمى بولعان جوق. دارىگەرلەر ونى 21 كۇن ۇيدە كارانتيندە وتىرۋ ۇسىنىمىمەن شىعاردى. مەن الدىڭعى شەپتە جۇرگەن دارىگەرلەرگە العىس ايتقىم كەلەدى. جارايسىزدار! راحمەت!», - دەپ جازدى مينيستر.
