جامبىل وبلىستىق اكىمدىگىنىڭ مالىمەتى بويىنشا, قاۋىپتى ىندەتتىڭ بەلگىلەرى 1962 جىلى جانە 1992 جىلى تۋعان ازاماتتاردان تابىلعان. بۇل دەرەكتەر تاراز قالاسىندا انىقتالىپ وتىر. ولار بۇعان دەيىن ناۋقاستارمەن بايلانىس بارىسىندا ينفەكتسيا جۇقتىرعان. سونداي-اق, اتالعان دياگنوز شۋ اۋدانىنىڭ 23 جاستاعى تۇرعىنىنان دا راستالدى. ونىڭ الىس قاشىقتىققا قاتىنايتىن جۇرگىزۋشى بولىپ جۇمىس ىستەيتىندىگى بەلگىلى بولدى. الگوريتمگە سايكەس مەملەكەتتىك شەكارانى كەسىپ ءوتۋ كەزىندە, «قاراسۋ» وتكىزۋ پۋنكتىندە ودان اۋرۋدىڭ بار-جوعىن راستايتىن زەرتحانالىق زەرتتەۋ ءۇشىن تالداۋ الىنعان.
بۇگىندە ناۋقاستار ينفەكتسيالىق ستاتسيونارعا اۋىستىرىلعان. ولارمەن بايلانىستا بولعان ادامداردى انىقتاۋ, ولاردان زەرتحانالىق تالداۋ الۋ جۇمىستارى جۇرگىزىلۋدە. وشاقتاردا دەزينفەكتسيالىق وڭدەۋ شارالارى اتقارىلعان.
اعىمداعى جىلعى 3 مامىر كۇنگى جاعداي بويىنشا جامبىل وبلىسىنىڭ اۋماعىندا كوروناۆيرۋستىق ينفەكتسيانىڭ 146 جاعدايى تىركەلىپ وتىر. ونىڭ ىشىندە تاراز قالاسىندا 69, بايزاق اۋدانىندا 7, جامبىل اۋدانىندا 5, قورداي اۋدانىندا 37, مەركى اۋدانىندا 3, شۋ اۋدانىندا 2 جانە مويىنقۇم اۋدانىندا 1 دەرەك انىقتالعان. سونداي-اق, «دەلي – تاراز» رەيسىنەن التى وقيعا, اتىراۋ وبلىسىنداعى تەڭىز ۆاحتالىق كەنتىنەن كەلگەن جۇمىسشىلار اراسىنان 16 وقيعا انىقتالعان. بۇگىنىدە كوروناۆيرۋس ىندەتىن جۇقتىرعانداردىڭ 48-ءى ەمدەلىپ, دارىگەرلەردىڭ باقىلاۋىنداعى ءۇي كارانتينىنە شىعارىلعان.
جامبىل وبلىسى
