بۇعان دەيىن باق بەتتەرىندە ايتىلعانداي, دەنساۋلىق ساقتاۋ مينيسترلىگى ەپيدەمياعا قارسى ءىس-شارالارعا قاتىساتىن مەديتسينالىق قىزمەتكەرلەردى ىنتالاندىرۋ تۋرالى شەشىم قابىلدانعان بولاتىن. قىزمەتكەرلەردىڭ جالاقىسىنا ۇستەمەاقى بەلگىلەۋ ەرەجەلەرى ازىرلەندى, وندا تاۋەكەل توپتارى, الۋشىلاردىڭ تىزىمدەر قالىپتاستىرۋ ءتارتىبى جانە تولەمدەردىڭ مولشەرلەرى انىقتالدى.
مەديتسينالىق قىزمەتكەرلەرگە ۇستەمەاقى تاۋەكەل توپتارىنا بايلانىستى تولەنەدى: 212,5 مىڭ تەڭگەدەن (5 تجم) 850 مىڭ تەڭگەگە دەيىن (20 تجم).
ۇستەمەاقى الۋشىلاردىڭ تىزىمدەرىن جەدەل شتابتاردا قۇرىلعان ايماقتىق كوميسسيالار قۇرايدى. كوميسسيا توراعاسى اكىم ورىنباسارى سانالادى. كوميسسيالاردىڭ قۇرامىنا دەنساۋلىق ساقتاۋ بولىمدەرى, وڭىرلىك باس مەملەكەتتىك سانيتارلىق دارىگەر, ۇكىمەتتىك ەمەس ۇيىمداردىڭ جانە ت. ب. وكىلدەرى كىرەدى. ۇستەماقى رەسپۋبليكالىق بيۋدجەت ەسەبىنەن تولەنەدى. تولەمدەر كوميسسيالار ۇسىنعان تىزىمدەرگە سايكەس قور ارقىلى بەرىلەدى.
بۇل ماسەلە ءۇشىن رەسپۋبليكا بويىنشا 35,7 ملرد تەڭگە بولىنگەن. قور ستاتسيونارلارمەن كەلىسىم-شارتتار جاسادى. ەلىمىزدە ناۋرىز ايى بويىنشا 17,4 مىڭنان استام مەديتسينالىق قىزمەتكەرگە 3,3 ملرد تەڭگەدەن استام قاراجات جىبەرىلدى.
ماڭعىستاۋ وبىسى بويىنشا 6 دەنساۋلىق ساقتاۋ مەكەمەسى كورونوۆيرۋستىق ينفەكتسياسىنا قارسى شارالارعا ارنالعان جۇمىستارعا قاتىسۋدا.
-وسى اتالعان 6 مەديتسينالىق مەكەمەنىڭ قىزمەتكەرلەرىنە ناۋرىز ايىنا ءتيىستى قاراجات اۋدارىلدى. قوسىمشا ۇستەماقىنى 353 قىزمەتكەر الدى, ونىڭ 48-ءى دارىگەر,174-ءى ورتا مەديتسينالىق قىزمەتكەر,83-ءى كىشى مەديتسيتسنالىق قىزمەتكەر جانە 48-ءى باسقا دا مەديتسينالىق قىزمەت كورسەتكەندەر, دەدى «الەۋمەتتىك مەديتسينالىق ساقتاندىرۋ قورى» كەاق ماڭعىستاۋ وبلىسى بويىنشا ديرەكتورى ر.بەكتۋباەۆ.
قوردىڭ قارجى وپەراتورى رەتىندەگى ءرولى تەك قارجىلاردى تولەۋ عانا ەمەس, «COVID-19 كوروناۆيرۋسىمەن كۇرەسۋ اياسىندا ەپيدەمياعا قارسى ءىس-شارالارعا قاتىساتىن دەنساۋلىق ساقتاۋ ۇيىمدارىنىڭ قىزمەتكەرلەرىن قارجىلاي قولداۋدىڭ كەيبىر ماسەلەلەرى تۋرالى» دەنساۋلىق ساقتاۋ ءمينيسترىنىڭ بۇيرىعىنا بەرىلگەن مالىمەتتەردىڭ سايكەستىگىن تەكسەرۋ دا بولىپ تابىلادى. وسىعان وراي, قور ۇستەماقى الۋشىلاردىڭ تىزىمدەرىن تەكسەرۋ بويىنشا ۇلكەن جۇمىستار جۇرگىزەدى.
