قوعام • 03 مامىر، 2020

نۇر-سۇلتاندا اۋلالاردى اباتتاندىرۋ جۇمىستارى جۇرگىزىلىپ جاتىر

15 رەت كورسەتىلدى

نۇر-سۇلتاندا «جۇمىسپەن قامتۋدىڭ جول كارتاسى» باعدارلاماسى اياسىندا اۋلالار مەن ۇيىشىلىك اۋماقتاردى اباتتاندىرۋ جۇمىستارى جۇرگىزىلىپ جاتىر. بيىل 150-گە جۋىق اۋلا اباتتاندىرىلادى. بۇل تۋرالى ەلوردا اكىمدىگىنىڭ ءباسپاسوز قىزمەتى حابارلادى.

قالانىڭ بارلىق اۋداندارى قامتىلادى. بۇگىن قالا اكىمى التاي كولگىنوۆ بىرقاتار اۋلالاردى ارالاپ، قالا تۇرعىندارىمەن كەزدەستى.

«اۋلانى جوندەپ نە اباتتاندىرعان كەزدى سوڭعى رەت قاشان كورگەنىمىز ەسىمىزدە جوق. بالالار ويناي المايدى، بارلىق ترەناجەرلەر ەسكى. ەندى ءبىزدىڭ اۋلامىزدا جاڭا بالالار الاڭى بولادى. مۇندا بالالار فۋتبول ويناپ، ترەناجەرلاردا سپورتمەن شۇعىلدانا الادى»، - دەپ اتاپ ءوتتى وتىرار كوشەسى، 3 (بايقوڭىر اۋدانى) تۇرعىندارى.

سونداي-اق،قالا اكىمى التاي كولگىنوۆ كراۆتسوۆ، 6، تاحا حۋسەين 15ا،15/3،15/4، بوكەيحان، 6 جانە ت. ب. مەكەن-جايلارداعى الاڭداردا جۇرگىزىلىپ جاتقان جۇمىستاردىڭ بارىسىمەن تانىستى.

«اۋلالاردى دۇرىستاپ اباتتاندىرۋ قاجەت. مۇندا بالالار ويناپ، بارلىق وتباسى مۇشەلەرى دەمالادى. بالالاردىڭ جاسى ءارتۇرلى بولعاندىقتان، اۋلالاردى اباتتاندىرۋ كەزىندە ونى ەسكەرۋ قاجەت. ورىندىقتار ورناتىپ، كوگالداندىرۋعا ەرەكشە كوڭىل ءبولۋ قاجەت. اعاشتار مەن بۇتالاردى كوبىرەك وتىرعىزۋ كەرەك»، - دەدى قالا اكىمى التاي كولگىنوۆ.

بيىل 150 اۋلا جانە اۋلا اۋماقتارى اباتتاندىرىلادى. بۇل دەگەنىمىز 150 مىڭنان استام تۇرعىنى بار 250-دەن استام كوپ پاتەرلى تۇرعىن ءۇي كەشەنى. بىلتىر 150 ويىن الاڭى اباتتاندىرىلدى.

«جۇمىسپەن قامتۋدىڭ جول كارتاسى» باعدارلاماسى اياسىندا 15 مىڭ جۇمىس ورنى اشىلادى. تۇرعىندار ءبىرىنشى كەزەكتە جۇمىسپەن قامتۋ ورتالىقتارى ارقىلى جۇمىسقا ورنالاسا الادى.

سوڭعى جاڭالىقتار

ۇقساس جاڭالىقتار