بۇگىندىككە 3 ادامنان ۆيرۋس شىقتى. ىندەت بەلگىسى تابىلعان ءبىر ناۋقاس ىلە اۋدانى, قاروي اۋىلىنىڭ تۇرعىنى ەكەن. ەكىنشى ادام – 30 ءساۋىر كۇنى «اتىراۋ-الماتى» اۋە رەيسىمەن ۇشىپ كەلگەن جولاۋشىلاردىڭ ءبىرى. «تەڭىز» كەنىشىندەگى ۆاحتالىق جۇمىستان ورالعان ونىڭ سىرقاتى پروفيلاكتيكالىق تەكسەرۋ بارىسىندا بەلگىلى بولعان. ونىمەن بىرگە بورتتا 79 جولاۋشى, 9 ەكيپاج مۇشەسى بولعان. جاقىن بايلانىستا بولعاندار – 9, پوتەنتسيالدى بايلانىستا بولعاندار سانى – 71 ادام. جاقىن بايلانىستا بولعاندار قاراساي اۋداندىق اۋرۋحاناسىنىڭ ينفەكتسيالىق بولىمىنە جاتقىزىلدى, ال پوتەنتسيالدى بايلانىستا بولعاندار ءۇي كارانتينىندە مەديتسينالىق مامانداردىڭ باقىلاۋىنا الىندى.
ال ءۇشىنشى ناۋقاس – قاپشاعاي قالاسى زارەچنىي كەنتىنىڭ 1962 جىلى تۋعان تۇرعىنى. ول شەلەك اۋىلىنداعى اۋداندىق اۋرۋحانانىڭ ينفەكتسيالىق بولىمىنە جاتقىزىلدى. ونىمەن بايلانىستا بولعان 100 ادام تەكسەرىلىپ, بارلىعىنىڭ ۆيرۋسولوگيالىق تەكسەرۋى تەرىس نəتيجە كورسەتتى.
