تاراز قالاسىنداعى اباي داڭعىلىنان كوشەنەي كوشەسىنە دەيىنگى ارالىعىندا وتكەن جىلى «تارازتراسەنەرگو» مەكەمەسى جىلۋ قۇبىرىن جۇرگىزۋ جۇمىستارىن اتقارعان بولاتىن. قىس مەزگىلىندە كوپشىلىك ناشار جولمەن ءجۇرىپ, مەزى بولعان ەدى. ءتىپتى تۇرعىندار تاراپىنان دا ماسەلە كوتەرىلگەن. بۇگىندە اتالعان داۋلى ماسەلەنىڭ ءوز شەشىمىن تابۋدا. قازىرگى كەزدە مەردىگەر كومپانيا مۇندا تەحنيكالارىن قويىپ, جولدارعا اسفالت توسەۋ جۇمىستارىن باستاپ كەتتى.
سونىمەن قاتار, قالاداعى ايتيەۆ كوشەسىنىڭ قازىبەك بي كوشەسىنەن قوناەۆ كوشەسىنە دەيىنگى ارالىعىنداعى جولدارعا دا تۇرعىندار تاراپىنان كوپ سىن ايتىلعان بولاتىن. بۇگىندە بۇل ماسەلە دە قولعا الىنىپ, جولداردى اسفالتتاۋ جۇمىستارىن «ارايسترويماركەت-2003» جشس-گى جۇرگىزۋدە. تاراز قالالىق اكىمدىگىنىڭ مالىمەتى بويىنشا, جالپى ەنى 11-12 شاقىرىم بولاتىن كوشەنىڭ 570 مەتر جول بولىگى جوندەلەدى. وسىنداي جوندەۋ جۇمىستارىن «ايا-سەرۆيس» جشس-گى بايزاق باتىر كوشەسىندە دە جۇرگىزۋدە. اتالعان سەرىكتەستىك تولە بي كوشەسىنەن تاشكەنت كوشەسىنە دەيىنگى ارالىقتى اسفالتتاۋ جۇمىستارىن دا قارقىندى جۇرگىزۋدە.
اتالعان جۇمىستاردىڭ ساپالى اتقارىلۋىن قاداعالاۋ ماقساتىندا قالا اكىمى ايتقازى قارابالاەۆتىڭ ءوزى قۇرىلىس باسىندا ءجۇر. ول سالىنىپ جاتقان جولدىڭ بارىسىن باقىلاپ, مەردىگەرگە جۇمىستى اياقتاۋ مەرزىمىن بەلگىلەپ بەردى.
جامبىل وبلىسى
