وتىرىس قورىتىندىسى بويىنشا ۇكىمەت رەزەرۆىنەن زارداپ شەككەن فەرمەرلەرگە ەكىنشى كوكتەمگى ەگىس جۇمىستارى ءۇشىن 1,6 ملرد تەڭگە نەسيە ءبولۋ تۋرالى شەشىم قابىلداندى.
سونداي-اق وبلىستاردىڭ, نۇر-سۇلتان جانە الماتى قالالارىنىڭ اكىمدىكتەرىنە الەۋمەتتىك-كاسىپكەرلىك كورپوراتسيالار ەسەبىنەن قاراجاتتى تۇركىستان وبلىسىنىڭ فەرمەرلەرىنەن ەرتە پىسەتىن قىرىققابات ساتىپ الۋعا جۇمساۋ تۋرالى تاپسىرما بەرىلدى.
ەستەرىڭىزگە سالا كەتسەك, تۇركىستان وبلىسىندا 10-ساۋىردە باستالعان ەرتە پىسەتىن قىرىققاباتتى جيناۋ ناۋقانى مامىر بويى جالعاسادى. فەرمەرلەر ەگىستەن 300 مىڭ توننا كولەمىندە ءونىم الۋدى جوسپارلاپ وتىر.
توتەنشە جاعداي كەزەڭىندە اۋىلشارۋاشىلىعى تاۋارلارىن وندىرۋشىلەر ءوز ونىمدەرىن وتكىزۋدە بىرقاتار پروبلەمالارعا تاپ بولدى. ولار قىرىققابات ونىمدەرىن تمد ەلدەرىنە جونەلتۋدى جوسپارلاعان ەدى, الايدا, دۇكەندەر مەن بازارلاردىڭ جابىلۋىنا بايلانىستى, اتالمىش ونىمگە دەگەن سۇرانىس ازايدى. وسىعان وراي, پرەمەر-مينيستر اسقار مامين زارداپ شەككەن فەرمەرلەرگە قولداۋ كورسەتۋدى تاپسىردى.
