يندۋستريا جانە ينفراقۇرىلىمدىق دامۋ ءمينيسترىنىڭ 2020 جىلعى 18 ساۋىردە №212 بۇيرىعىمەن كوممۋنالدىق قىزمەتتەردى جەتكىزۋشىلەرگە شىعىنداردى وتەۋ قاعيدالارى بەكىتىلدى.
مەملەكەت باسشىسىنىڭ توتەنشە جاعدايعا بايلانىستى كارانتين ەنگىزىلگەن قالالاردىڭ تۇرعىندارى ءۇشىن كوممۋنالدىق تولەمدەردى تومەندەتۋ ماسەلەسى بويىنشا كەشەندى شەشىم ازىرلەۋ جونىندەگى تاپسىرماسىنا سايكەس حالىقتىڭ الەۋمەتتىك قورعالماعان توپتارىن نەگىزگە الا وتىرىپ جانە جەرگىلىكتى اتقارۋشى ورگانداردىڭ ۇسىنىستارى نەگىزىندە مىناداي ساناتتار بەلگىلەندى:
1) 1, 2, 3 توپ مۇگەدەكتەرى;
2) مۇگەدەك بالالاردى تاربيەلەپ وتىرعان وتباسىلار;
3) كوپ بالالى وتباسىلار;
4) ۇلى وتان سوعىسىنىڭ مۇگەدەكتەرى مەن قاتىسۋشىلارى جانە ۇلى وتان سوعىسىنىڭ مۇگەدەكتەرى مەن قاتىسۋشىلارىنا تەڭەستىرىلگەن تۇلعالار;
5) مەملەكەتتىك جانە قوعامدىق مىندەتتەرىن, اسكەري بورىشىن ورىنداۋ كەزىندە قازا تاپقان ادامداردىڭ وتباسىلارى;
6) ەڭ تومەنگى زەينەتاقى الاتىن زەينەتكەرلەر;
7) اتاۋلى الەۋمەتتىك كومەك الاتىن ازاماتتار, ونىڭ ىشىندە جالعىز باستى زەينەتكەرلەر.
15 مىڭ تەڭگە سوماسىنا شىعىنداردى وتەۋ جوعارىدا كورسەتىلگەن ساناتتاعى ازاماتتاردىڭ اكىمدىككە جۇگىنۋلەرى نەگىزىندە عانا جۇرگىزىلەدى.
الەۋەتتىك كومەك الۋشىعا اقپاراتتىق جۇيەلەر نەمەسە call-ورتالىق ارقىلى اكىمدىككە ءوزىنىڭ جسن, الەۋمەتتىك مارتەبەسى مەن جەكە شوتىنىڭ ءنومىرىن ۇسىنا وتىرىپ ءوتىنىم بەرۋ جەتكىلىكتى.
Call-ورتالىق ارقىلى اۋىزشا ءوتىنىش بەرۋ جەتكىلىكتى.
سونىمەن قاتار, قوسىمشا وزگە قۇجاتتاردى ۇسىنۋ تالاپ ەتىلمەيتىنىن ايتا كەتۋ ەەرەك.
بۇدان ءارى, اكىمدىك ۇسىنىلعان دەرەكتەردى تەكسەرىپ, دۇرىس بولعان جاعدايدا ازاماتتىڭ جەكە (ابونەنتتىك) شوتىنا قاراجات اۋدارادى.
اكىمدىكتەر ءوتىنىم بەرۋگە ارنالعان رەسۋرستاردى قۇرۋ بويىنشا بەلسەندى جۇمىس جۇرگىزۋدە. بۇگىنگى تاڭدا اكىمدىكتەر ءتۇسىندىرۋ جۇمىستارىن بەلسەندى جۇرگىزىپ جاتىر.
كومەك قاعيدادا كورسەتىلگەن ساناتتارعا جاتاتىن, كوممۋنالدىق قىزمەت كورسەتۋشىلەرمەن ءوز اتىنان كەلىسىم-شارت جاساعان جانە كارانتين ەنگىزىلگەن ەلدى مەكەندە تۇراتىن ادامداردىڭ بارلىعىنا كورسەتىلەدى.
مۇگەدەك بالالاردى تاربيەلەپ وتىرعان جانە كوپ بالالى وتباسىلار, مەملەكەتتىك جانە قوعامدىق قىزمەتىن, اسكەري بورىشىن ءوتىپ جۇرگەن كەزدە قازا تاپقان ادامداردىڭ وتباسى مۇشەلەرىنىڭ ءبىرىنىڭ قىزمەت كورسەتۋشىلەرمەن شارتى بولۋى ءتيىس.
بۇدان باسقا, بۇگىنگى تاڭدا جوعارىدا كورسەتىلگەن ساناتتارعا جاتاتىن ادامدارمەن بىرگە تۇراتىن وتباسى مۇشەلەرىنە كوممۋنالدىق قىزمەتتەر بويىنشا شىعىنداردى وتەۋ بويىنشا جوعارىدا كورسەتىلگەن قاعيدالارعا وزگەرىستەر ەنگىزۋ ماسەلەسى پىسىقتالىپ جاتىر.
