قازاقستان رەسپۋبليكاسىنىڭ باس مەملەكەتتىك سانيتارلىق دارىگەرىنە كەڭەيتىلگەن وكىلەتتىكتەر بەرىلدى.
ەندى ول ەلىمىزدە شەكتەۋ شارالارىن ەنگىزىپ, ولاردىڭ كۇشىن جويا الادى. قاۋلى مەملەكەتتىك تىركەۋگە جاتپايدى.
باس مەملەكەتتىك سانيتارلىق دارىگەردىڭ وكىلەتتىكتەرى مىنا تۇرعىدان كەڭەيتىلدى:
كارانتيندىك ايماقتاردى بەلگىلەۋ تۋرالى شەشىم قابىلداۋ قۇقىعىمەن, مەملەكەتتىك شەكاراداعى وتكىزۋ پۋنكتتەرى ارقىلى كىرۋگە جانە شىعۋعا شەكتەۋ ەنگىزۋ تۋرالى شەشىم;
ينفەكتسيالاردىڭ اكەلىنۋى مەن تارالۋىنان قورعالاتىن اۋماقتاردا ەپيدەمياعا قارسى ءىس-شارالاردى تولىق ۇيلەستىرۋ;
ەپيدەميولوگيالىق قىزمەتتەردىڭ شتاتتىق سانى كوبەيدى, ەپيدەميولوگتار ارنايى مەملەكەتتىك ورگاندارعا ارتىقشىلىقتارى بويىنشا تەڭەستىرىلگەن.
سونداي-اق, وتىرىس بارىسىندا سانيتارلىق مەديتسينالىق باقىلاۋدىڭ جەكە قىزمەتىن بولە وتىرىپ, تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىن قايتا ۇيىمداستىرۋ تۋرالى شەشىم قابىلداندى.
بۇل سانيتارلىق-كارانتيندىك باقىلاۋدى جەتىلدىرۋ جانە سانيتارلىق-ەپيدەميولوگيالىق قىزمەتتەردى ماتەريالدىق-تەحنيكالىق جاراقتاندىرۋدى جاقسارتۋ ءۇشىن جاسالادى.
