تابيعي مونوپوليالار سالاسىنداعى زاڭ تالاپتارىنا سايكەس, تابيعي مونوپوليالار سۋبەكتىلەرى ەسەپتى كەزەڭنەن كەيىنگى مامىردىڭ 1-نەن كەشىكتىرمەي ۋاكىلەتتى ورگانعا, سونىڭ ىشىندە قر ۇەم تابيعي مونوپوليالاردى رەتتەۋ كوميتەتى جانە ونىڭ اۋماقتىق بولىمشەلەرىنە بەكىتىلگەن تاريفتىك سمەتانىڭ ورىندالۋى, بەكىتىلگەن ينۆەستيتسيالىق باعدارلامانىڭ ورىندالۋى تۋرالى ەسەپتەردى, سونداي-اق, زاڭنامادا كوزدەلگەن باسقا دا ەسەپتەردى ۇسىنۋعا مىندەتتى.
بۇدان باسقا كاسىپكەرلىك كودەكسىندەگى قوعامدىق ماڭىزدى نارىق سۋبەكتىلەرىنىڭ كەلەسى كۇنتىزبەلىك جىلدىڭ 1 مامىرىنان كەشىكتىرمەي شەكتى باعادا ەسكەرىلگەن ينۆەستيتسيالىق باعدارلامانىڭ ورىندالعانى نە ورىندالماعانى تۋرالى اقپاراتتى ۇسىنۋ مىندەتى بەكىتىلگەن.
وسى رەتتە تابيعي مونوپوليالاردى رەتتەۋ كوميتەتى «قازاقستان رەسپۋبليكاسىندا توتەنشە جاعدايدى ەنگىزۋ تۋرالى» قازاقستان پرەزيدەنتىنىڭ 2020 جىلعى 15 ناۋرىزداعى №285 جارلىعىمەن ەنگىزىلگەن توتەنشە جاعداي كەزەڭىندە تابيعي مونوپوليالار جانە قوعامدىق ماڭىزى بار نارىقتار سۋبەكتىلەرىنىڭ ەسەپتەر مەن اقپاراتتىڭ جەكەلەگەن تۇرلەرىن ۇسىنۋ مەرزىمدەرىن ۇزارتۋ تۋرالى» بۇيرىعىن شىعاردى.
بۇيرىققا سايكەس, 1-ءشى مامىردا ۇسىنىلۋعا ءتيىس 2019 جىلعى اقپارات پەن ەسەپتەردى ۇسىنۋ مەرزىمى 2020 جىلدىڭ 1 ماۋسىمىنا دەيىن ۇزارتىلدى.
بۇيرىقپەن كوميتەتتىڭ سايتىندا مىنا سىلتەمە ارقىلى تانىسۋعا بولادى.
