بۇگىندە ىزگىلىك شارالارىنىڭ ۇيىتقىسى بولىپ جۇرگەن ەلوردالىق قازاقستان حالقى اسسامبلەياسى بارلىق وزگە قۇرىلىمدار سەكىلدى ونلاين رەجىمدە ەڭبەك ەتىپ جاتىر. جۇمىستىڭ نەگىزگى باعىتتارىنا باسا نازار اۋدارىلعان. ونلاين تۇردە «جىر ورتالىعىنىڭ» اشىلۋى جۇرتشىلىق تاراپىنان ۇلكەن قولداۋ تاپتى. ول اپتا سايىن جاڭا بەينەماتەريالمەن تولىقتىرىلىپ وتىرادى. جىراۋلار تاريحي وقيعالار مەن اڭىزعا اينالعان باتىرلار تۋرالى اڭگىمەلەي وتىرىپ, جىر-تەرمەدەن شاشۋ شاشادى. ءبىزدىڭ مورالدىق رۋحىمىزدى ارتتىرادى.
قاشاندا قايىرىمدىلىقتىڭ ورنى ەرەكشە. اسسامبلەيا – قوعامىمىزدىڭ بىرىكتىرۋشى كۇشى. قحا كەز كەلگەن جاعدايدا ءبىرىنشى بولىپ كومەككە كەلەدى, ارقاشان الدىڭعى قاتاردان كورىنەدى. بۇعان كەلتىرەتىن مىسال كوپ.
توتەنشە جاعداي رەجىمى ەنگىزىلگەن العاشقى كۇننەن باستاپ ەلوردالىق اسسامبلەيانىڭ بەلسەندىلەرى مەن ەرىكتىلەرى جۇمىسقا قوسىلدى. ناۋرىز ايىنىڭ سوڭعى ونكۇندىگىندە نۇر-سۇلتان قالالىق قازاقستان حالقى اسسامبلەياسى ء«بىز بىرگەمىز» اتتى قايىرىمدىلىق اكتسياسىن وتكىزدى. 2020 جىلدىڭ 20 ناۋرىزى مەن 26 ءساۋىرى ارالىعىندا اكتسيا اياسىندا قالالىق اسسامبلەيا مۇشەلەرى از قامتىلعان كوپ بالالى وتباسىلارعا جانە ەگدە جاستاعى ادامدارعا كومەك كورسەتتى. «پاراسات» قايىرىمدىلىق قىزمەتىن ۇيلەستىرۋ ورتالىعى كوپ بالالى 15 وتباسىنا كومەك كورسەتكەن بولاتىن.
پرەزيدەنت قاسىم-جومارت توقاەۆ ىندەتپەن كۇرەستىڭ الدىڭعى شەبىندەگى ازاماتتاردىڭ ەڭبەگىن ەرەكشە اتاپ كورسەتۋدە. قاۋىپ-قاتەرگە قاراماي مۇقتاج جاندارعا كومەك قولىن سوزعان ەرىكتىلەرگە دە ريزاشىلىق ءبىلدىردى. مەملەكەت باسشىسىنىڭ وسىلايشا ريزاشىلىق ءبىلدىرۋى بارلىق ەرىكتىلەرگە ەرەكشە كوڭىل كۇي سىيلادى. بىزدەر, ۆولونتەرلەر ءبىر سەرپىلىپ قالدىق.
2020 جىلدىڭ 16 ناۋرىزىنان باستاپ وسى كۇنگە دەيىن كۇندىز-ءتۇنى مۇقتاج جاندارعا كومەك جەتكىزىپ كەلەمىز. اسسامبلەيا ۆولونتەرلەرى, بىزدەر زەينەتكەرلەرگە ءدارى-دارمەك جەتكىزۋ, بەتپەردەلەر تاراتۋ بويىنشا اكتسيالارعا قاتىسىپ جاتىرمىز. ءبىز تەك قيىن قىستاۋ كەزدە عانا ەمەس, قۋانىشتى ساتتەردە دە بىرگە بولامىز!
ءبىز ارقاشان ەلىمىزگە قىزمەت ەتۋگە ساقاداي سايمىز! ەلوردا ۆولونتەرلەرى ارقاشان دايىن! بۇل ىندەتتى بىرگە جەڭۋگە ءسوز بەرەمىز! #bizbirgemiz.
ءسوزىمنىڭ سوڭىندا قازاقستان حالقىنىڭ بىرلىگى كۇنى بارشامىزعا قۇتتى بولسىن دەگىم كەلەدى. بىرلىك پەن ىنتىماقتىڭ قادىرىن ۇمىتپاي, العا باسا بەرەيىك, اعايىن!
نارگيزام ماحمۋدي,
نۇر-سۇلتان قالاسى ۇيعىر ەتنومادەني بىرلەستىگىنىڭ مۇشەسى
