تاراز قالاسىنا قاراستى ء«شولدالا» اۋىلىنىڭ, قالاداعى «قاراسۋ» شاعىناۋدانىنىڭ جانە تاراز قالاسى, تولە بي كوشەسىندەگى جاتاقحانانىڭ تۇرعىندارىنا اكىمنىڭ اتىنان ازىق-ت ۇلىك تاراتىلدى. بۇگىنگىدەي كارانتين كەزىندە ۇيدە وتىرۋعا ءماجبۇر بولعان مۇقتاج وتباسىلارعا ارناپ اۋىزاشار ۇيىمداستىرۋ تۋرالى اكىمنىڭ باستاماسىنا وبلىس اكىمىنىڭ ورىنباسارلارى, ءماسليحات دەپۋتاتتارى جانە تانىمال كاسىپكەرلەر قولداۋ ءبىلدىردى. ال, ءوڭىر باسشىلىعىنىڭ ازىق-ت ۇلىك سەبەتتەرىن العان تۇرعىندار ون ەكى ايدىڭ سۇلتانى – رامازان ايىندا جاسالعان بۇل ساۋاپتى ىسكە العىستارىن جەتكىزدى.
قازاقستان مۇسىلماندارى ءدىني باسقارماسىنىڭ جامبىل وبلىسى بويىنشا وكىل يمامى, وبلىستىق ورتالىق «ھيباتۋللا تارازي» مەشىتىنىڭ باس يمامى بەيبىت قاجى مىرزاگەلديەۆ كارانتين جاعدايىنا بايلانىستى اۋىزاشار ۇيىمداستىرۋ كەزىندە بارلىق سانيتارلىق-ەپيدەميولوگيالىق تالاپتاردىڭ ساقتالعانىن ايتتى. سونىمەن قاتار, ءاربىر ازامات ءۇشىن اۋىزاشاردىڭ اس ءمازىرى الدىن الا دايىندالىپ, تۇرعىندارعا ازىق-ت ۇلىكتى وبلىستىق مەشىتتىڭ قىزمەتكەرلەرى مەن ەرىكتىلەر ارقايسىسىنىڭ ۇيلەرىنە جەتكىزىپ بەرگەن. وبلىستىڭ باس يمامىنىڭ ايتۋىنشا, بيىل قاسيەتتى ايدىڭ باستالۋىن اسىعا كۇتكەن بارلىق مۇسىلماندار تاراۋيح نامازىن ۇيدە وقىپ, كارانتين تالاپتارىن ساقتاي الادى. سونداي-اق, يمام بالالاردى تاربيەلەۋگە كوڭىل ءبولىپ, ءاربىر ادام ءوز امالدارى مەن ارەكەتتەرىنە ەسەپ بەرىپ, قايىرىمدىلىقپەن اينالىسقاندارىنىڭ ابزال ەكەنىن دە ايتتى. ال, ورازا ۇستاعان بارلىق ازامات وبلىستىق, قالالىق جانە اۋداندىق مەشىتتەردەگى اسحانالار مەن كافەلەردەگى تاماققا تاپسىرىس بەرىپ, ۇيگە الدىرۋ ارقىلى اۋىز اشا الادى.
جامبىل وبلىسى
