بۇگىن انىقتالعان ءبىرىنشى ناۋقاس – تاراز قالاسىنىڭ تۇرعىنى. ول ءبىر كۇن بۇرىن دەنە قىزۋىنىڭ جوعارىلاۋىنا جانە تاماعىنىڭ اۋىرۋىنا قاتىستى شاعىمدانعان. تارازدىق تۇرعىننان الىنعان زەرتحانالىق زەرتتەۋلەر ونىڭ كوروناۆيرۋس ىندەتىن جۇقتىرعانىن راستادى. ونىمەن جاقىن بايلانىستا بولعان 18 ازامات انىقتالىپ, كارانتينگە وقشاۋلاندى. ولاردى تەكسەرۋ جۇمىستارى جۇرگىزىلۋدە.
ەكىنشى ناۋقاس – 1987 جىلى تۋعان قورداي اۋدانىنىڭ تۇرعىنى بولىپ شىقتى. ول وسى ۋاقىتقا دەيىن ىندەت جۇقتىرعان تۇلعامەن بايلانىستا بولعاندىعى ءۇشىن كارانتيندىك ستاتسيونارعا جاتقىزىلعان. تالداۋ ناتيجەلەرى بەلگىلى بولعاننان كەيىن ناۋقاس جۇقپالى اۋرۋلار اۋرۋحاناسىنا اۋىستىرىلعان. سونداي-اق, ينفەكتسيا اتىراۋ وبلىسىنىڭ تەڭىز كەنتىندە ۆاحتالىق نەگىزدە جۇمىس ىستەيتىن جامبىل اۋدانىنىڭ تۇرعىنىنان دا انىقتالدى. بۇل ءۇشىنشى ناۋقاس 1988 جىلى تۋعان. بەلگىلەنگەن الگوريتمگە سايكەس, ول وڭىرگە كەلگەننەن كەيىن كارانتيندىك ستاتسيونارعا وقشاۋلانعان. زەرتحانالىق تالداۋ ناتيجەلەرى بويىنشا وعان COVID-2019 دياگنوزى قويىلعان.
جامبىل وبلىسى
