وسىعان وراي سىبايلاس جەمقورلىققا قارسى ءىس-قيمىل اگەنتتىگىنىڭ اتىراۋ وبلىسى بويىنشا دەپارتامەنتى مەملەكەتتىك ساتىپ الۋدىڭ جاي-كۇيىنە مونيتورينگ جۇرگىزدى. ونىڭ بارىسىندا ءبىر تاۋاردى ءار ءتۇرلى مەكەمەلەر نەگىزسىز جوعارى باعامەن جاريالاعانى انىقتادى.
– ماسەلەن, اتىراۋ وبلىستىق ءبىلىم بەرۋ باسقارماسىنا قاراستى «ماقات مۇناي جانە گاز تەحنولوگيالىق كوللەدجى» مم-ءسى 1 ليتر ايراندى 450 تەڭگەگە باعالاپ, جالپى سوماسى 38 000 تەڭگە ارتىق قاراجات جۇمساپتى. ال, 1-3% مايلىلىعى بار ءسۇت ءونىمىنىڭ 1 ءليترىن 350 تەڭگەدەن ساتىپ الىپ, ناتيجەسىندە 98 000 تەڭگەگە جوعارى باعا بەلگىلەگەن. وسىنداي جوعارى باعامەن ساتىپ الۋ فاكتىلەرى شاي (1 كگ –3500 تەڭگە) مەن كەپتىرىلگەن جەمىس-جيدەكتەردى (1 كگ –1000 تەڭگە) ساتىپ الۋ كەزىندە دە بايقالدى.
سونىمەن بىرگە, مەملەكەتتىك ورگانداردىڭ باسىم بولىگى ا4 فورماتتاعى اق قاعاز الادى. الايدا, ونىڭ سوماسى ء بىر دانا ءۇشىن 1800 تەڭگەگە دەيىن جەتەدى. ونى مىنا دەرەكتەن اڭعارۋعا بولادى. قۇرمانعازى اۋدانىنداعى ورلى اۋىلدىق وكرۋگى اكىمىنىڭ اپپاراتى 1700 تەڭگەدەن السا, سۇيىندىك اۋىلدىق مادەنيەت ءۇيى جانە لاباي اۋىلدىق كلۋبى 1800 تەڭگەدەن 45 داناسىن 81 000 تەڭگەگە العان. قازىرگى تاڭدا نارىقتىق باعاعا سايكەس ا4 فورماتىنداعى اق قاعازدىڭ ءبىر داناسىنىڭ قۇنى – 1450 تەڭگە. ياعني جوعارىدا اتالعان مەكەمەلەرمەن تاۋار 15 750 تەڭگەگە جوعارى باعالاعان. «تۇرمىستىق كىزمەت» مەكەمەسى ءبىر دانا كارتريدجدى 80 000 تەڭگەگە ساتىپ العان. بۇل باعاعا ءبىر ەمەس, ەكى پرينتەر الۋعا بولادى. ويتكەنى, كارتريدجدىڭ نارىقتا باعاسى 20 000 تەڭگەدەن اسپايدى, - دەپ حابارلادى وبلىستىق دەپارتامەنتتىڭ ءباسپاسوز قىزمەتى.
