جولاۋشىلار كولىگى جانە اۆتوكولىك جولدارى باسقارماسىنىڭ باسشىسى اسەت ورازعاليەۆتىڭ ايتۋىنشا, وبلىستاعى جولدىڭ جالپى ۇزىندىعى 3000 كم-دەن اسادى. ونىڭ ىشىندە 1120 كم جول رەسپۋبليكالىق ماڭىزعا يە بولسا, جەرگىلىكتى باعىنىسقا 1927 كم جول قارايدى. بىلتىر كولىك ينفراقۇرىلىمىن دامىتۋعا 39,2 ملرد تەڭگە ءبولىندى. بۇل قاراجاتقا 37 ەلدى مەكەندەگى 230 كم جول قۇرىلىسى جۇرگىزىلدى.
«نۇرلى جول» باعدارلاماسىنداعى ماڭىزدى جوبا – «اتىراۋ-استراحان» حالىقارالىق اۆتوكولىك جولىن قالپىنا كەلتىرۋ. الايدا, بۇگىنگى ەكونوميكالىق جاعداي ءبىراز وزگەرىسكە سەبەپ بولىپ وتىر.
– قازىر جاعداي وزگەردى. جوبالاردى جۇزەگە اسىرۋعا قارجى جەتىسپەۋشىلىگى بايقالادى. سوندىقتان, الدىمەن باستى مىندەتتەرگە, اۋدانداردىڭ قاجەتتىلىگىنە, جولدىڭ جاعدايىنا قاراۋ كەرەك. وسىنداي قاجەتتىلىككە بايلانىستى جوسپار جاساعان ءجون. بىزگە كولىك ينفراقۇرىلىمىن دامىتۋ قاجەت. بىراق, ناقتى مەرزىمى مەن باستى باعىتتار كورسەتىلۋى ءتيىس. بۇل باعىتتاعى جۇمىستار جوسپارلى تۇردە جۇرگىزىلەدى,- دەدى وبلىس اكىمى ماحامبەت دوسمۇحامبەتوۆ.
اكىمنىڭ پىكىرىنشە, جوبانى ىسكە اسىرۋدىڭ بارلىق مەحانيزمىن ەسەپكە الۋ كەرەك. ال, اتقارىلعان جۇمىستاردىڭ ساپاسىنا قاتىستى سىن ايتۋعا بولادى. ويتكەنى, كەيبىر جاعدايلاردان تەحنولوگيانى ساقتاماۋ, پايدالانىلعان ماتەريالدار مەن وندىرىستىك پروتسەستەردىڭ ساپاسىنا تولىققاندى باقىلاۋدىڭ جوقتىعى بايقالادى. وسىعان وراي وبلىس اكىمى ماحامبەت دوسمۇحامبەتوۆ اتقارىلعان جۇمىستاردىڭ ساپاسى مەن بيۋدجەت قاراجاتىنىڭ ماقساتتى جۇمسالۋىن قاتاڭ باقىلاۋعا الۋدى تاپسىردى.
– وبلىستاعى 56 ەلدى مەكەندە قاتتى جول جابىنى جوق. اسىرەسە, بۇل قۇرمانعازى مەن قىزىلقوعا اۋداندارىندا كەزدەسەدى. جىلىوي اۋدانىندا – ءتورت, يندەر اۋدانىندا – ءۇش, ماقات اۋدانىندا ء بىر ەلدى مەكەندە جول جابىنى جوق. بۇل ماسەلەنى شەشۋ باقىلاۋدا بولادى. جوبالاۋ-سمەتالىق قۇجاتتاما دايىندالىپ جاتىر, - دەيدى باسقارما باسشىسى اسەت ورازعاليەۆ.
قازىر اتىراۋ وبلىسىنداعى جاقسى جولدىڭ ۇلەسى – 57 پروتسەنت. ەندى بۇل كورسەتكىشتى 2025 جىلى 95 پروتسەنتكە جەتكىزۋ كوزدەلىپ وتىر.
