جاسىم 67-دە, جۇرەك, قان قىسىمى جانە قانت ديابەتى اۋرۋلارىمەن اۋىرامىن. ءوزىم دە, 70 جاستاعى وتاعاسىم دا ەكىنشى توپتاعى مۇگەدەكتەرمىز, جولداسىمنىڭ باسىنا وتا جاسالعان. وتباسىندا بەس بالا تاربيەلەپ وسىرگەن انامىن, بىراق كەنجە قىزىم ءاليا ءتۋابىتتى مۇگەدەك. ول بيىل 33 جاسقا تولدى. قولىمدا نەمەرەم دە بار, Nur Otan پارتياسىنىڭ ارالاسۋىمەن ونى بالاباقشاعا ورنالاستىردىم.
جۋىردا ۇيگە ءبىرىنشى كەزەكتەگى ازىق-ت ۇلىك پەن مەديتسينالىق ماسكالار, انتيسەپتيكالىق قۇرالدار اكەلىپ بەردى. جاقىندا جەكە ەسەپشوتىمىزعا 50 مىڭ تەڭگە قارجىلاي كومەك ءتۇستى. الەمدە بولىپ جاتقان جامان ىندەت ەلىمىزگە كەلگەنى قىنجىلتادى. رەسپۋبليكا كولەمىندە كارانتين جاريالاندى. قيىندىق – وتپەلى, وسى قيىن كەزدە ءبىر-بىرىمىزگە قولداۋ كورسەتسەك قانا بۇل جامان ىندەتتەن تەز قۇتىلاتىنىمىزعا سەنەمىن.
قيىن كەزدە حالقىنا كومەك قولىن سوزعان, قاشاندا قاسىمىزدان تابىلعان نۇروتاندىقتارعا, جومارت جاندارعا ۇلكەن راحمەت. حالىق ءۇشىن ەڭبەك ەتىپ جاتقان جاندارعا اللا رازى بولسىن. باۋىرجان اتامىز «تارتىپكە باس يگەن قۇل بولمايدى» دەگەندەي, حالىققا ەرەجەلەردى ساقتاپ وتباسىمىزدىڭ, ەل-جۇرتتىڭ اماندىعى ءۇشىن ۇيدە وتىرايىق دەگىم كەلەدى. قولىمىزدان كەلەرى جانە ءبىزدىڭ ەلىمىزگە كومەگىمىز سول بولماق.
نۇرسۇلۋ يدەنوۆا,
ءىى توپتاعى مۇگەدەك
اقتاۋ
