بارلىق وبلىستا توتەنشە جاعدايدا جۇمىس ىستەيتىن ارنايى ۆولونتەرلەر شتابتارى قۇرىلىپ, ءوز جۇمىستارىن باستاپ كەتتى. وسىنداي شتابتىڭ ءبىرى اقتوبە وبلىسىندا جاستار ساياساتى ماسەلەلەرى باسقارماسى وبلىستىق جاستار رەسۋرستىق ورتالىعىنىڭ جانىنان قۇرىلدى.
شتاب ناۋرىز ايىنىڭ ورتاسىنان باستاپ جۇمىس ىستەپ كەلەدى. قازىرگى تاڭدا 200-گە جۋىق ۆولونتەر كۇندەلىكتى جۇمىستارعا ارالاسۋدا. ۆولونتەرلەر اراسىندا 18 جاسقا تولعان, جۇمىس ىستەيتىن جاستار, ءوزىن-ءوزى قامتىعان جاس كاسىپكەرلەر, ستۋدەنتتەر, جاستار رەسۋرستىق ورتالىعىنىڭ وكىلدەرى, جاستار ۇيىمدارىنىڭ, ءوڭىرىمىزدىڭ بەلسەندى جۇمىس ىستەپ جاتقان ۆولونتەرلىك توپتارىنىڭ مۇشەلەرى بار.
ۆولونتەرلەر قاتارىنا ءوڭىرىمىزدىڭ 18 جاسقا تولعان كەز كەلگەن ازاماتى قوسىلا الادى. الايدا ارنايى نۇسقاۋلىقتاردى قاتاڭ تۇردە ساقتاۋلارى كەرەك. ۆولونتەرلەردىڭ ساقتىعى ءۇشىن ارنايى چات اشىلىپ, بارلىق كەلىسسوزدەر, اقپارات سول جەردە تالقىلانادى. بۇل توپ بولىپ شوعىرلانۋدىڭ الدىن الادى. جۇمىس بارىسىندا ارنايى تاپسىرمالار ۆيدەو, قوڭىراۋ جانە ارنايى چات ارقىلى ەسكەرتىلىپ, نۇسقاۋلىقتار بەرىلىپ وتىرادى.
تاپسىرمانىڭ مازمۇنىنا قاراي ۆولونتەرلەر اقپاراتتاندىرىلىپ, نيەتتى ادامعا مىندەتتەلەدى. ياعني تاپسىرمانى ورىنداۋ ەرىكتى تۇردە. كوبىنە ۋاقىتىنا, كاسىبي بىلىكتىلىگى, ماماندىعىنا قاراي تاعايىندالادى. تاپسىرمالار وبلىستىق شتابقا كەلىپ تۇسكەن وتىنىشتەرگە نەگىزدەلەدى.
مەملەكەت تاراپىنان بولىنگەن قارجىمەن قاتار قوعامدىق قورلار, كاسىپكەرلەر مەن دەمەۋشىلەردىڭ كومەگىمەن الىنعان ازىق-ت ۇلىكتەر پاكەتتەرى جالعىزباستى قاريالارعا, جالعىزباستى انالارعا, كوپ بالالى, از قامتىلعان وتباسىلار مەن مۇمكىندىگى شەكتەۋلى جاندار تاربيەلەپ وتىرعان وتباسىلارعا جەتكىزىلدى. بۇگىنگە دەيىن #بىزبىرگەمىز اكتسياسى اياسىندا 1 793 وتباسىنا كومەك كورسەتىلدى.
سونىمەن قاتار ۆولونتەرلەر دارىگەرلەرمەن بىرگە ەم قابىلدايتىن 67 قارتقا جەرگىلىكتى ەمحانالاردان ءدارى-دارمەك جەتكىزدى. دارىلەردى تاراتۋدا «اقتوبە قايىرىمدى جاندار», ء«ۇمىت نۇرى», «Volunteer2020.aktobe» توپتارى بەلسەندىلىك تانىتتى.
سونىمەن بىرگە ۆولونتەرلەر ماسكا تىگىپ, شتاب جۇمىسىنا جۇمىلدىرىلعان ەرىكتىلەرگە, الەۋمەتتىك قىزمەتكەرلەرگە جانە قوعامدىق تازالىقتى قامتاماسىز ەتىپ جۇرگەن جۇمىسشىلارعا, قالا تۇرعىندارىنا تەگىن تاراتتى. بۇگىنگە دەيىن جالپى سانى 14 033 ماسكا تاراتىلدى.
بلوك-بەكەت جۇمىستارىنا تارتىلعان قىزمەتكەرلەرگە قولداۋ ءبىلدىرىپ, ولارعا ىستىق تاماقتاردى ۇلەستىرۋدە دە ۆولونتەرلەر بەلسەندىلىك تانىتۋدا. بۇل جۇمىستارعا «جۇرەكتەن جۇرەككە», «اقتوبە قايىرىمدى جاندار», «قىزىل اي» قوعامدىق قورى ۆولونتەرلەرى تارتىلدى. قالاداعى رەيد جۇمىستارىنا ءتۇرلى ۆولونتەرلىك توپتاردان بىرلەسكەن «Anticovid19» جانە «جاس ساقشى» جاساعى توبىنىڭ جاستارى كومەكتەسۋدە.
بارىمىزگە بەلگىلى, شەتەلدەن كەلىپ جاتقان قازاقستاندىق ستۋدەنتتەر قازىرگى تاڭدا كارانتيندىك ورتالىقتاردا باقىلاۋدا. ولار وزگە وبلىستىڭ ستۋدەنتتەرى بولعاندىقتان م.وسپانوۆ اتىنداعى باتىس قازاقستان مەديتسينا ۋنيۆەرسيتەتىنىڭ جانىنان قۇرىلعان «مەديك ۆولونتەرلەر» مەن «قىزىل اي» قوعامدىق قورىنىڭ ۆولونتەرلەرى كارانتيندەگى ستۋدەنتتەرگە ولاردىڭ سۇرانىسى بويىنشا دۇكەندەردەن ازىق-ت ۇلىكتەر, جەكە گيگيەنالىق زاتتار جەتكىزىپ بەرۋدە. جۇمىس بارىسىندا بارلىق سانيتارلىق ەرەجەلەر مەن قاعيدالار ساقتالادى. ۆولونتەرلەر شتابى ءوز جۇمىسىن ءارى قاراي جالعاستىرۋعا نيەتتى. ء«بىر جاعادان باس, ءبىر جەڭنەن قول شىعارىپ», بىرلەسىپ, بۇل كەزەڭنەن دە امان-ەسەن شىعامىز دەگەن سەنىمدەمىز.
نۇرسۇلتان ەلەۋوۆ,
اقتوبە وبلىستىق ۆولونتەرلەر شتابىنىڭ جەتەكشىسى
