بۇل رەتتە قالالىق بىرقاتار مەكەمە مەن قالا تۇرعىندارى دا جالعىزباستى قارتتارعا ازىق-ت ۇلىك جەتكىزىپ بەرسە, كەيبىر ازاماتتار تۇرعىندارعا مەديتسينالىق ماسكالار مەن زارارسىزداندىرۋعا ارنالعان ءتۇرلى قۇرالداردى تەگىن تاراتىپ, كومەك قولىن سوزۋدا.
تاراز قالاسىنداعى «التىن-اي» تىگىن اتەلەسى مەرەكەلىك دەمالىستارعا قاراماستان مەديتسينالىق ماسكالار تىگىپ, ونى تۇرعىندارعا تەگىن تاراتۋدى باستادى. تارازداعى كەز كەلگەن تۇرعىن تاڭەرتەڭنەن كەشكە دەيىن جۇمىس ىستەپ وتىرعان شەبەرحاناعا كەلىپ, مەديتسينالىق ماسكالاردى تەگىن الا الادى. اتالعان شەبەرحانا باسشىلىعىنىڭ دا ماقساتى – كوپ بالالى جانە از قامتىلعان وتباسى مۇشەلەرىنە كومەكتەسۋ ەكەن. «بۇگىندە بەس تىگىنشى كۇنىنە 1 مىڭعا جۋىق مەديتسينالىق ماسكا تىگۋدە. جالپى, ءبىزدىڭ اتەلە 2004 جىلدان بەرى جۇمىس ىستەپ كەلەدى. قىز-كەلىنشەكتەرمەن بىرگە وسىنداي قيىن كەزدە ۇيدە وتىرماي, قولدان كەلگەنشە ءدارىحانالاردا جوق مەديتسينالىق ماسكالاردى بىرگە تىگەيىك دەپ شەشتىك», دەيدى «التىن-اي» تىگىن شەبەرحاناسىنىڭ باسشىسى التىناي بەكەنوۆا. تىگىنشىلەرگە قاجەتتى ماتالار مەن قۇرالدار تاراز قالاسى اكىمدىگىنىڭ تاراپىنان بەرىلگەن. «اقجۇنىس» انالار قوعامىنىڭ جەتەكشىسى جانات ەستاەۆا وسىنداي جاۋاپكەرشىلىگى مول جۇمىستى باستاعان «التىن-اي» تىگىن شەبەرحاناسىنا ءوزىنىڭ العىسىن ءبىلدىردى. اتالعان تىگىن اتەلەسى بۇگىندە 4 مىڭنان استام مەديتسينالىق ماسكانى تىگىپ, «اقجۇنىس» قوعامىنا تاپسىرىپتى. ال اتالعان ۇيىم بۇل زاتتاردى ءتيىستى مەكەنجايلارعا تاراتىپ جاتىر ەكەن. ءبىر ايتا كەتەرلىگى, تىگىنشى قىز-كەلىنشەكتەر مەديتسينالىق ماسكالاردى اقىسىز تىگۋدە.
بۇگىندە «التىن-اي» تىگىن اتەلەسى تىككەن ماسكالاردى الۋشىلاردىڭ قاتارى كوپ. ء«بىزدىڭ ۇيدەن شىعىپ جاتقانىمىز جوق. ءبىر بالام الماتى قالاسىندا. قالاداعى ەشبىر ءدارىحانادان مەديتسينالىق ماسكا تاپپادىق. كورسەتىپ جاتقان جاقسىلىقتارىڭىزعا مىڭ العىس. ەڭ باستىسى, ەلىمىز امان, جۇرتىمىز تىنىش بولسىن», دەيدى جەتى بالانىڭ اناسى كۇنسۇلۋ كۇزەنباەۆا. بۇل باستاما الداعى ۋاقىتتا دا جالعاسىن تابادى.
جامبىل وبلىسى
