«سىزدەر اۋدانعا تيەسىلى اۋماقتى جاياۋ ارالاپ, تەكسەرمەيسىزدەر, اۋداندارىڭىزدا قانداي پروبلەمالار بار ەكەنىن بىلمەيسىزدەر», - دەپ اتاپ ءوتتى.
«مەملەكەتتىك كوميسسيا بىرقاتار كاسىپورىنداردىڭ جۇمىسىن قايتا باستاۋعا رۇقسات بەردى. اباتتاندىرۋمەن اينالىسۋ كەرەك. قازىر جالپىقالالىق سەنبىلىكتەردىڭ ماۋسىمى, بىراق وكىنىشكە وراي, ءبىز ولاردى وتكىزە المايمىز. قالانى جاياۋ ارالاعان كەزدە ءسىزدىڭ جۇمىستارىڭىزعا بىرقاتار ەسكەرتۋلەر بار ەكەنى انىق كورىنىپ تۇرادى. اۋدانعا تيەسىلى تەرريتوريانى جاياۋ ارالاۋ كەرەك,سوندا عانا اۋدانداردا قانداي پروبلەمالار بار ەكەنىن كورەسىزدەر. قارلى قىستان كەيىن تروتۋارلاردى, پليتالاردى, قورشاۋلاردى رەتكە كەلتىرۋ كەرەك. قازىر جول جوندەۋ جۇمىستارىنا كىرىسىپ كەتتىك. جۇمىستىڭ ساپاسىن باقىلاۋ قاجەت. شاعىمداردىڭ كوبى الماتى اۋدانىنا تيەسىلى. اۋدان اكىمىنە قىسقا مەرزىم ىشىندە بارلىق كەمشىلىكتەردى تۇزەتۋدى تاپسىرامىن. بارلىق اۋدان اكىمدەرى اباتتاندىرۋ, كوگالداندىرۋ, ينفراقۇرىلىمدى جوندەۋ ماسەلەلەرىمەن بەلسەندى اينالىسۋى ءتيىس. تۇرعىندارعا دالاعا شىعۋعا رۇقسات بەرىلدى. ولار سەرۋەندەگەن كەزدە سكۆەرلەر مەن اۋلا الاڭدارىنا بارادى, بارلىعى دايىن بولۋى ءتيىس. شارۋاشىلىقتى مۇقيات كۇتىپ ۇستاۋ كەرەك!»,- دەدى قالا اكىمى التاي كولگىنوۆ.
«جۇمىسپەن قامتۋدىڭ جول كارتاسى» باعدارلاماسى اياسىندا اۋقىمدى جۇمىستار اتقارىلادى. بيىل ەلوردادا 50-گە جۋىق قوعامدىق ورىن اباتتاندىرىلادى. ونىڭ ىشىندە ساياباقتار, سكۆەرلەر جانە باسقا دا ادام كوپ جينالاتىن ورىندار بار. 150 اۋلا قامتىلادى. «جۇمىسپەن قامتۋدىڭ جول كارتاسى» باعدارلاماسى اياسىندا ەلوردادا 15 مىڭ جۇمىس ورنى اشىلادى. ءبىرىنشى كەزەكتە جۇمىس ىزدەۋشىلەر جۇمىسپەن قامتۋ ورتالىقتارى ارقىلى جۇمىسپەن قامتىلادى.
