ايتا كەتەيىك, ونلاين فورماتتاعى «اشىق ەسىك كۇنى» ەلىمىزدىڭ جوعارى وقۋ ورىندارىنىڭ اراسىندا العاشقىلاردىڭ ءبىرى بولىپ قازاق ۇلتتىق قىزدار پەداگوگيكالىق ۋنيۆەرسيتەتىندە ۇيىمداستىرىلدى.
ونىڭ مالىمەتىنشە, سۇراقتاردىڭ دەنى بيىلعى مەكتەپ بىتىرۋشىلەر مەن ولاردىڭ اتا-انالارى جانە ءبىلىم بەرۋ سالاسىنىڭ قىزمەتكەرلەرى تاراپىنان تۇسكەن. ءتورت ساعاتتان استام ۋاقىتقا سوزىلعان «اشىق ەسىك كۇنىن» وقۋ ورنىنىڭ رەكتورى گاۋحار الدامبەرگەنوۆانىڭ العى سوزىمەن اشىلدى.
– بارشاڭىزعا بەلگىلى, قىزدار ۋنيۆەرسيتەتى – ەلىمىزدەگى بىردەن-ءبىر تەك قىزدار وقيتىن جوعارى وقۋ ورنى. ورتا ازيا ايماعىندا مۇنداي ۋنيۆەرسيتەت جوق. الەمدە دە ساۋساقپەن سانارلىقتاي. زاڭعار جازۋشى مۇحتار اۋەزوۆ: ء«تاڭىر جازسا, بۇل ينستيتۋت بولاشاق قازاق قىزدارىنىڭ شامشىراعىنا اينالادى. وسى شامشىراقتىڭ جارىق ساۋلەسى سونبەسىن دەيىك» دەگەن پايىمى 75 جىلدان استام تاريحى بار ۋنيۆەرسيتەتتىڭ وزىندىك ەرەكشەلىگى مەن ماڭىزىن ايعاقتاپ تۇرعانداي, – دەدى ءوز سوزىندە گاۋحار الدامبەرگەنوۆا.
وقۋ ورنىنىڭ باسشىسى بىرەگەي ءبىلىم ۇياسىنىڭ باستى باعدارى تۋراسىندا دا باياندادى.
– قازاقتىڭ «ۇلتىڭدى تاربيەلەيمىن دەسەڭ – قىزىڭدى تاربيەلە» دەگەن دانا ءسوزىنىڭ استارىندا ۇلكەن ءمان-ماعىنا جاتىر. قىز – بولاشاق انا, قىز –وتباسىنىڭ ۇيىتقىسى, قىز – اسىل جار. بۇگىندە ۇرپاق تاربيەشىسى رەتىندە سانالاتىن بولاشاق مۇعالىمدەردى دايارلاۋ بارىسىندا ءبىزدىڭ ۇجىم عۇلاما عالىم ءال-ءفارابيدىڭ: «تاربيەسىز بەرىلگەن ءبىلىم – ادامزاتتىڭ قاس جاۋى» دەگەن ۇلاعاتتى پايىمىن باستى ۇستانىم رەتىندە پايدالانادى, – دەپ اتاپ ءوتتى قىزدار ۋنيۆەرسيتەتىنىڭ رەكتورى.
سونداي-اق ول مەكتەپ ءبىتىرۋشى تۇلەكتەردى پاراسات مەكتەبىنە اينالعان وقۋ ورنىندا ءبىلىم الۋعا شاقىردى.
– قىمباتتى جاستار! ءبىز, قازاقستاننىڭ بولاشاعىن دايىنداپ جاتقانىمىزدى نىق سەنىممەن ايتا الامىز. سەبەبى ءبىزدىڭ تۇلەكتەرىمىزدىڭ كوپشىلىگى قازاقستان قوعامىنىڭ الدىڭعى قاتارىندا ەڭبەك ەتىپ, ەلىمىزدىڭ دامۋى جولىندا قىزمەت اتقارۋدا. بۇل – ۇجىم ەڭبەگىنىڭ ناتيجەسى, ءبىز ونى ماقتان ەتەمىز جانە بولاشاققا ۇلكەن ۇمىتپەن قارايمىز. قادىرمەندى ءبىلىم قۋعان ارمانشىل جاستار! سىزدەردى ۇلاعات ۇياسىنا اينالعان قاراشاڭىراق – قىزدار ۋنيۆەرسيتەتىندە ءبىلىم الۋعا شاقىرامىز, – دەپ ءسوزىن قورىتىندىلادى گاۋحار الدامبەرگەنوۆا.
شارا بارىسىندا فاكۋلتەت دەكاندارى مەن قۇرىلىمدىق ءبولىم باسشىلارى وقۋ ورنى مەن ونداعى ماماندىقتار تۋرالى كەڭىنەن مالىمەت بەرىپ, كوپشىلىك تاراپىنان قويىلعان ساۋالدارعا ەگجەي-تەگجەيلى جاۋاپ بەردى.
سونىمەن قاتار «اشىق ەسىك كۇنى» اياسىندا ءبىلىم ورداسىنىڭ تانىمال تۇلەكتەرى مەن شەتەلدىك سەرىكتەس جوعارى وقۋ ورىندارىنىڭ وكىلدەرى بەينە ۇندەۋلەر سەرياسىن ۇسىندى. ال حالىقارالىق ىنتىماقتاستىق ءبولىمىنىڭ باسشىسى رايا ءامىرجانوۆا قوسديپلومدى ءبىلىم بەرۋ باعدارلاماسى جايلى مالىمەت بەرسە, قازاقستان تاريحى كافەدراسىنىڭ اعا وقىتۋشىسى بەرىك جۇبانىشەۆ «قازاقستان تاريحى» پانىنەن شەبەرلىك ساباق وتكىزدى. سونداي-اق «جان شۋاعى» پسيحولوگيالىق ورتالىعىنىڭ ديرەكتورى كۇلماش ەلشىباەۆا تالاپكەرلەرگە پسيحولوگيالىق كەڭەس بەردى.
بۇگىندە وقۋ ورنى مەملەكەتتىك ليتسەنزيا نەگىزىندە 49 باكالاۆريات, 28 ماگيستراتۋرا, 12 PhD دوكتورانتۋرا ماماندارىن دايارلايدى. ستۋدەنتتەرگە ءبىلىم بەرۋ تراەكتورياسىن تاڭداۋ مەن ءبىلىم بەرۋ قىزمەتتەرىنىڭ كەڭ سپەكترى ۇسىنىلعان.
ۋنيۆەرسيتەتتىڭ ماتەريالدىق-تەحنيكالىق بازاسىندا 3 وقۋ كورپۋسى, 7 ستۋدەنتتىك جاتاقحانا, مەملەكەتتىك ءبىلىم بەرۋ گرانتىنا تۇسكەن ستۋدەنتتەر ءۇشىن 3 مەزگىل تاماقپەن قامتاماسىز ەتەتىن «ۇلپان» اسحاناسى, ستۋدەنتتەر ءۇشىن اشىلعان «اققۋ» ءجۇزۋ باسسەينى جانە زاماناۋي عىلىمي كىتاپحانا بار.
الماتى
