اتالعان جۇك بارلىق سانيتارلىق-ەپيدەميولوگيالىق نورمالار ساقتاي وتىرىپ, تەمىرجول ارقىلى 12 ۆاگونمەن اكەلىندى.
قازاقستاننىڭ پرەزيدەنتى قاسىم-جومارت توقاەۆ پاندەمياعا قارسى ارەكەت جاساۋ كەزەڭىندە كورشى ەلدەرگە قولداۋ كورسەتۋ ماقساتىندا قىرعىزستان مەن تاجىكستانعا جالپى سوماسى 3 ملن. اقش دوللارىنان استام قاراجاتقا ءار ەلگە 5 مىڭ توننا كولەمىندە ۇن تۇرىندە گۋمانيتارلىق كومەك بەرۋ تۋرالى شەشىم قابىلداعانىن اتاپ وتكەن ءجون.
قىرعىزستاننىڭ اۋىل شارۋاشىلىعى, تاماق ونەركاسىبى جانە مەليوراتسيا ءمينيسترى ەركينبەك چودۋەۆتىڭ ايتۋىنشا قىرعىز تاراپى قازاقستان رەسپۋبليكاسىنىڭ ۇكىمەتى كورسەتكەن كومەكتى جوعارى باعالايدى جانە باۋىرلاس قازاق حالقىنا تەرەڭ ريزاشىلىق بىلدىرەدى.
گۋمانيتارلىق كومەك قىرعىز رەسپۋبليكاسى ۇكىمەتىنىڭ جانىنداعى مەملەكەتتىك ماتەريالدىق رەزەرۆتەر قورىنىڭ قويماسىنا ورنالاستىرىلدى.
