سەرىكتەستىك جۇمىسشىلارى وتكەن ايدا تەڭىز كەنىشىندە ۆاحتادا بولعان. كومپانيا باسشىلىعى جۇمىسشىلاردى تۇرعىلىقتى مەكەن-جايلارى بويىنشا قايتارۋ تۋرالى شەشىم قابىلداعاننان كەيىن جۇمىسشىلارعا جۇقپالى ىندەتتىڭ بار-جوعىن انىقتاۋ ءۇشىن تەست جۇرگىزىلگەن. تەست ناتيجەسى تەرىس بولعان جاعدايدا عانا ولاردى ۇشاققا وتىرعىزۋعا رۇقسات ەتىلگەن.
-كەشە الماتى وبلىسىنىڭ 117 تۇرعىنى ارنايى اۆتوبۋستارمەن قاپشاعاي قالاسىنىڭ ماڭىنا جەتكىزىلدى. جولاۋشىلار دەمالىس ورنىنا ورنالاستىرىلىپ, بارلىعىنان كوروناۆيرۋسقا اناليز الىندى. بۇگىن كەشكە ولاردىڭ العاشقى ناتيجەلەرى بەلگىلى بولادى. سول تەكسەرۋ قورىتىندىلارىنا سايكەس جولاۋشىلار تۇرعىلىقتى جەرلەرىنە ارنايى اۆتوبۋستارمەن جەتكىزىلەتىن بولادى, - دەپ حابارلايدى الماتى وبلىسى اكىمىنىڭ ءباسپاسوز قىزمەتى.
