2012 جىلعى 1 قاراشا, استانا قالاسى
جۇمىسشىلاردىڭ جۇمىستارى مەن كاسىپتەرىنىڭ بىرىڭعاي تاريفتىك-بىلىكتىلىك انىقتامالىعىن (63-شىعارىلىم) بەكىتۋ تۋرالى
قازاقستان رەسپۋبليكاسى ەڭبەك كودەكسىنىڭ 125-بابىنا سايكەس جۇمىستاردىڭ بەلگىلى ءبىر تۇرلەرىنىڭ كۇردەلىلىگىن بەلگىلەۋ, جۇمىسشىلارعا بىلىكتىلىك رازريادتارىن بەرۋ جانە كاسىپتەرىنىڭ دۇرىس اتاۋلارىن ايقىنداۋ ماقساتىندا بۇيىرامىن:
1. قوسا بەرىلىپ وتىرعان جۇمىسشىلاردىڭ جۇمىستارى مەن كاسىپتەرىنىڭ بىرىڭعاي تاريفتىك-بىلىكتىلىك انىقتامالىعى (63-شىعارىلىم) بەكىتىلسىن.
2. ەڭبەك جانە الەۋمەتتىك ارىپتەستىك دەپارتامەنتى (ا. ءا. سارباسوۆ) وسى بۇيرىقتىڭ زاڭنامادا بەلگىلەنگەن تارتىپپەن قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن جانە رەسمي جاريالانۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ەڭبەك جانە حالىقتى الەۋمەتتiك قورعاۋ ۆيتسە-مينيسترi س. ءا. احمەتوۆكە جۇكتەلسiن.
4. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر س. ابدەنوۆ.
قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ
2012 جىلعى 1 قاراشاداعى № 421-ءو-م
جۇمىسشىلاردىڭ جۇمىستارى مەن كاسىپتەرىنىڭ بىرىڭعاي
تاريفتىك-بىلىكتىلىك انىقتامالىعى (63-شىعارىلىم)
1-ءبولىم. جالپى ەرەجەلەر
1. جۇمىسشىلاردىڭ جۇمىستارى مەن كاسىپتەرىنىڭ بىرىڭعاي تاريفتىك-بىلىكتىلىك انىقتامالىعى (63-شىعارىلىمى) (بۇدان ءارى بتبا) «قالا, اۋىل جانە ەلدى مەكەندەردەگى گاز شارۋاشىلىعى», «سۋ قۇبىرى-كارىز شارۋاشىلىعى» بولىمدەرىنەن تۇرادى.
2. جۇمىس رازريادتارى ەڭبەك جاعدايى ەسكەرىلمەي (ەڭبەكتىڭ كۇردەلىلىك دەڭگەيىنە اسەر ەتۋشى جانە ورىنداۋشىنىڭ بىلىكتىلىگىنە قويىلاتىن تالاپتاردى ارتتىرۋشى ايرىقشا جاعدايلاردى قوسپاعاندا), ولاردىڭ كۇردەلىلىگىنە بويىنشا بەلگىلەندى.
3. ءار كاسىپ بويىنشا تاريفتىك-بىلىكتىلىك سيپاتتامانىڭ ەكى ءبولىمى بار. «جۇمىس سيپاتتاماسى» ءبولىمى جۇمىسشى ورىنداي بىلۋگە ءتيىس جۇمىستاردىڭ سيپاتتاماسىن قامتيدى. «بىلۋگە ءتيىس» بولىمىندە ارناۋلى بىلىمگە, سونداي-اق ەرەجەلەردى, نۇسقاۋلىقتار مەن باسشى ماتەريالداردى, جۇمىسشى قولدانۋعا ءتيىستى ادىستەر مەن قۇرالداردى بىلۋىنە قاتىستى جۇمىسشىعا قويىلاتىن نەگىزگى تالاپتار قامتىلعان.
4. «بىلۋگە ءتيىس» بولىمىندە قامتىلعان تەوريالىق جانە پراكتيكالىق بىلىمدەرمەن قاتار, جۇمىسشى: ەڭبەكتى قورعاۋ, وندىرىستىك سانيتاريا مەن ورتكە قارسى قاۋىپسىزدىك جونىندەگى ەرەجەلەر مەن نورمالاردى; جەكە قورعانۋ قۇرالدارىن پايدالانۋ ەرەجەسىن; ورىندالاتىن جۇمىس (قىزمەت) ساپاسىنا قويىلاتىن تالاپتاردى; جارامسىزدىقتىڭ تۇرلەرى مەن ونىڭ الدىن الۋ جانە جويۋدىڭ تاسىلدەرىن; وندىرىستىك دابىلداتقىشتى; جۇمىس ورنىندا ەڭبەكتى ۇتىمدى ۇيىمداستىرۋ جونىندەگى تالاپتاردى بىلۋگە ءتيىس.
5. «جۇمىس سيپاتتاماسى» بولىمىندە كوزدەلگەن جۇمىستاردان باسقا, جۇمىسشى اۋىسىمدى قابىلداۋ جانە تاپسىرۋ, جۇمىس ورنىن, ايلابۇيىمداردى, قۇرالداردى جيناستىرۋ, سونداي-اق ولاردى تيىسىنشە ۇستاۋ, بەلگىلەنگەن تەحنيكالىق قۇجاتتامانى جۇرگىزۋ جونىندەگى جۇمىستاردى ورىنداۋعا ءتيىس.
6. تاريفتىك-بىلىكتىلىك سيپاتتاماسىندا جۇمىسشى كاسىبىنىڭ وسى رازريادىنا اناعۇرلىم ءتان جۇمىستاردىڭ تىزبەسى كەلتىرىلەدى. بۇل تىزبە جۇمىسشى ورىنداي الاتىن جانە ورىنداۋعا ءتيىستى جۇمىستاردىڭ بارلىعىن قامتي المايدى. جۇمىس بەرۋشى قاجەتتى جاعدايدا, جۇمىس ەرەكشەلىگىن ەسكەرە وتىرىپ, ءتيىستى رازرياد جۇمىسشىلارى كاسىپتەرىنىڭ تاريفتىك-بىلىكتىلىك سيپاتتامالارىندا قامتىلعان جۇمىستارعا سايكەس كەلەتىن جۇمىستاردىڭ قوسىمشا تىزبەسىن ازىرلەي الادى.
7. بىلىكتىلىگى اناعۇرلىم جوعارى جۇمىسشى ءوزىنىڭ تاريفتىك-بىلىكتىلىك سيپاتتاماسىندا سانامالانعان جۇمىستارمەن قاتار, بىلىكتىلىگى اناعۇرلىم تومەن جۇمىسشىلاردىڭ تاريفتىك-بىلىكتىلىك سيپاتتاماسىندا كوزدەلگەن جۇمىستاردى ورىنداي بىلۋگە, سونداي-اق وسى كاسىپتەگى رازريادى تومەن جۇمىسشىلارعا باسشىلىق جاساي بىلۋگە ءتيىس. وسىعان بايلانىستى, اناعۇرلىم تومەن رازرياد كاسىپتەرىنىڭ تاريفتىك-بىلىكتىلىك سيپاتتاماسىندا كەلتىرىلگەن جۇمىستار, اناعۇرلىم جوعارى تاريفتىك-بىلىكتىلىك سيپاتتاماسىندا, ادەتتە كەلتىرىلمەيدى.
8. كاسىپتەردىڭ تاريفتىك-بىلىكتىلىك سيپاتتامالارى جۇمىستاردى تاريفتەۋ جانە مەنشىك قۇقىعى مەن ۇيىمداستىرۋشىلىق-قۇقىقتىق نىسانىنا قاراماستان, ەرەكشە ەسكەرتىلگەن جاعدايلاردى قوسپاعاندا, وسى بولىمدە كورسەتىلگەن وندىرىستەر مەن جۇمىس تۇرلەرى بار ۇيىمداردا قىزمەتكەرلەرگە رازرياد بەرۋ كەزىندە مىندەتتى بولىپ تابىلادى.
9. قىزمەتكەردىڭ ەڭبەك كىتاپشاسىن تولتىرۋ كەزىندە, سونداي-اق تاريفتىك رازريادتى وزگەرتۋ كەزىندە ونىڭ كاسىبىنىڭ اتاۋى بتبا-عا سايكەس جازىلادى.
10. قولدانىلۋعا ىڭعايلى بولۋ ماقساتىندا, بتبا-دا الفاۆيتتىك كورسەتكىش 1-قوسىمشادا كوزدەلگەن, وندا جۇمىسشىلار كاسىپتەرىنىڭ اتاۋلارى, رازريادتاردىڭ دياپازوندارى جانە بەتتەردىڭ ءنومىر
لەنۋى قاراستىرىلعان.
11. «قالا, اۋىل جانە ەلدى مەكەندەردەگى گاز شارۋاشىلىعى», «سۋ قۇبىرى-كارىز شارۋاشىلىعى» بولىمدەرىندە قاراستىرىلعان جۇمىسشى كاسىپتەرى اتاۋلارىنىڭ, ولاردىڭ بتبا شىعارىلىمىندا كوزدەلگەن اتاۋلارى تىزبەسى بتبا-نىڭ (63-شىعارىلىم) 2-قوسىمشاسىندا جانە 1985 جىلعى رەداكتسياسىندا بەرىلگەن.
2-ءبولىم. قالا, اۋىل جانە ەلدى مەكەندەردەگى گاز شارۋاشىلىعى
1. بۋلاۋ قۇرىلعىسىنىڭ اپپاراتشىسى
پاراگراف 1. بۋلاۋ قۇرىلعىسىنىڭ اپپاراتشىسى, 4-رازرياد
12. جۇمىس سيپاتتاماسى:
قازاندىقتار مەن پەشتەردى گازبەن جابدىقتاۋعا ارنالعان جابدىقتارعا قىزمەت كورسەتۋ;
جابدىقتاردى ىسكە قوسۋ جانە توقتاتۋ;
سۇيىق گازدىڭ بۋلانۋىنا قاجەتتى تەحنولوگيالىق رەجيمدى جابدىققا باپتاۋ;
بۋلاعىشقا قاجەت بۋ جانە سۇيىق گازدىڭ مولشەرىن, ارالاستىرعىش قۇرىلعىسىنا گاز جانە اۋا جىبەرۋ;
گاز شىعىنىن ەسەپتەيتىن ەسەپتەگىشتەر مەن ۇيلەستىرۋ-سورۋ جەلدەتكىشىن قوسۋ جانە توقتاتۋ;
ودوريزاتسيالىق جانە كەپتىرگىش قۇرىلعىلاردى قوسۋ جانە اجىراتۋ;
بۋلاۋ قۇرىلعىسىنىڭ, گاز قۇبىرلارى ارماتۋراسى مەن بۋ قۇبىرلارىنىڭ جانە اۋا قۇبىرلارىنىڭ جابدىقتارىن جوندەۋگە قاتىسۋ;
قىسىممەن ىستەيتىن ىدىستاردى قايتا كۋالاندىرۋعا دايىنداۋ;
باقىلاۋ-ەسەپتەۋ جازباسىن جۇرگىزۋ.
13. بىلۋگە ءتيىس:
بۋلاعىشتاردىڭ, گاز رەتتەيتىن جابدىقتاردىڭ جانە رەزەرۆۋارلىق قۇرىلعىنىڭ قۇرىلىمى, جۇمىس ءپرينتسيپى مەن قىزمەتى;
گاز اۋا ينجەكتسيالىق ارالاستىرعىش اگرەگاتتارىنىڭ قۇرىلىمى مەن قىزمەتى;
باقىلاۋ-ولشەۋ اسپاپتارى مەن ارماتۋرالاردىڭ قۇرىلىمى مەن قولدانۋ ءپرينتسيپى, سۇيىق گازدى گاز تارىزدەس قالىپقا اينالدىرۋ پروتسەسىنىڭ تەحنولوگياسى مەن گازدى اۋاعا ارالاستىرۋ نورماسى;
كەپتىرۋ جانە ودوريزاتسيالىق قۇرىلعى قۇرىلىمدارى;
زەرتحانالىق تالداۋعا ارنالعان گاز اۋا قوسپاسىنان سىناما الۋ اسپاپتارى;
قىسىممەن ىستەيتىن بۋ, اۋا جانە گاز ىدىستارىن قايتا كۋالاندىرۋ مەرزىمدەرى;
باقىلاۋ-ەسەپتەۋ جازبالارىن جۇرگىزۋ ەرەجەسى.
2. پەش شارۋاشىلىعى باقىلاۋشىسى
پاراگراف 1. پەش شارۋاشىلىعى باقىلاۋشىسى, 2-رازرياد
14. جۇمىس سيپاتتاماسى:
قاتتى, سۇيىق جانە گاز ءتارىزدى وتىنمەن جىلىتىلاتىن پەشتەر مەن پليتالاردىڭ مۇرجالارىن ۋاقىتىلى تازالانۋىن باقىلاۋ. پەشتەردى قاتتى وتىننان گاز ءتارىزدى وتىنعا اۋىستىرۋعا دايىندىعىن تەكسەرۋ;
مۇرجا قاقپاقتارىنىڭ شاتىردا دۇرىس ورنالاسۋىن تەكسەرۋ جانە جەل تىرەگىشتى ورناتۋ ورنىن بەلگىلەۋ:
مۇرجالار مەن قاقپاقتارىنىڭ جارامدىلىعىن «قۇبىر-پەش جۇمىستارى بويىنشا كورسەتكىشتەرگە» سايكەس ايقىنداۋ;
نۇسقاۋلىقتان اۋىتقۋ بايقالعاندا ولاردى جويۋ.
15. بىلۋگە ءتيىس:
مۇرجالار مەن جەلدەتكىشتەردى تەكسەرۋ جانە تازالاۋ ءتارتىبى;
گاز اسپاپتارىنان جاناتىن زاتتاردى بۇراتىن مۇرجالاردىڭ قۇرىلىمى, گاز وتىنعا جابدىقتالعان پەشتەرگە قويىلاتىن تالاپتار.
پاراگراف 2. پەش شارۋاشىلىعى باقىلاۋشىسى, 3-رازرياد
16. جۇمىس سيپاتتاماسى:
پەش جىلىتقىشىن وتقا ءتوزىمدى كىرپىشپەن قالانۋىن باقىلاۋ;
مۇرجالار مەن ارنايى پەشتەردەگى كۇلدى كۇيدىرۋ;
گاز وتتىقتارىن ورناتۋعا قابىلداۋ;
باسىنىڭ بيىكتىگىن «قۇبىر-پەش جۇمىستارى جونىندەگى كورسەتكىشتەر» مەن «گاز شارۋاشىلىعىنداعى قاۋىپسىزدىك ەرەجەسىنە» سايكەستىگىن تەكسەرۋ, ساڭىلاۋ تەسىپ شيبەردىڭ ورناتىلۋىن تەكسەرۋ;
مۇرجا جانە پەشتەردىڭ تەحنيكالىق جاعدايى تۋرالى بەلگىلەنگەن فورما بويىنشا اكتىسىن جاساۋ.
17. بىلۋگە ءتيىس:
پەش جۇمىستارىنىڭ تۇرلەرى مەن ولاردى جۇرگىزۋ ەرەجەسى, قولدانىلاتىن جىلىتۋ اسپاپتارىنىڭ قۇرىلىمدارى مەن قاتتى وتىننان گاز ءتارىزدى وتىندا اۋىستىرىلاتىن پەش, مۇرجا جانە جەلدەتكىش ارنالارىنا قويىلاتىن تالاپتار;
قاتتى وتىننان گاز ءتارىزدى وتىندا اۋىستىرىلاتىن پەش, مۇرجالاردىڭ تەحنيكالىق جاعدايىنا اكتى رەسىمدەۋ ءتارتىبى.
پاراگراف 3. پەش شارۋاشىلىعى باقىلاۋشىسى, 4-رازرياد
18. جۇمىس سيپاتتاماسى:
گاز ءتارىزدى وتىنعا قايتا جابدىقتالعان بارلىق جۇيەدەگى پەشتەردى سىزبا بويىنشا جانە تەحنيكالىق شارتتار بويىنشا باقىلاۋ;
مۇرجالارداعى, جەلدەتكىش ارنالارداعى كۇردەلى ۇيىندىلەردىڭ ورنىن بەلگىلەۋ جانە ولاردى جويۋ;
پەشتەن شىعاتىن مۇرجانىڭ, گازبەن جىلىتىلاتىن سۋ قىزدىراتىن جانە شارۋاشىلىق-تۇرمىستىق اسپاپتاردىڭ ەرەكشەلىكتەرى مەن تىعىزدىعىن ايقىنداۋ;
گاز وتىنمەن ىستەيتىن پەشتەردى قايتا جابدىقتاۋدا جانە پايدالانۋعا قابىلداۋدا تەحنيكالىق قۇجاتتامانى رەسىمدەۋ.
19. بىلۋگە ءتيىس:
ءتۇرلى جۇيەدەگى پەشتەردىڭ قۇرىلىمى مەن «قۇبىرپەش جۇمىستارى كورسەتكىشتەرى», «گاز شارۋاشىلىعىنداعى قاۋىپسىزدىك ەرەجەسى», پەش جۇمىستارى وندىرىسىندە ورتكە قارسى ءىس-شارالار;
قاجەتتى تەحنيكالىق قۇجاتتامانى رەسىمدەۋ ءتارتىبى مەن جۇمىستى تاپسىرۋ.
3. گاز تاراتۋ ستانتسياسىنىڭ ءماشينيسى
پاراگراف 1. گاز تاراتۋ ستانتسياسىنىڭ ءماشينيسى, 4-رازرياد
20. جۇمىس سيپاتتاماسى:
سىعىمدالعان گازدى ايداۋ, قيىستىرۋ-سورۋ جەلدەتكىشى جونىندەگى كومپرەسسورلارعا, سورعىلارعا قىزمەت كورسەتۋ;
قىزمەت كورسەتىلەتىن
